୨୭ କିମ୍ବା ୨୮ ତାରିଖରେ ପ୍ରକାଶ ପାଇବ ଓଜେଇଇ ପରୀକ୍ଷା ଫଳ

ବିଭିନ୍ନ ବୈଷୟିକ ପାଠ୍ୟକ୍ରମରେ ନାମ ଲେଖାଇବା ପାଇଁ ଓଡ଼ିଶା ଯୁଗ୍ମ ପ୍ରବେଶିକା ପରୀକ୍ଷା (ଓଜେଇଇ) ଫଳ ଆସନ୍ତା ୨୭ କିମ୍ବା ୨୮ ତାରିଖରେ ପ୍ରକାଶ ପାଇପାରେ । ସେପ୍ଟେମ୍ବର ୬ ରୁ ୧୮ ପର୍ଯ୍ୟନ୍ତ ପରୀକ୍ଷା ଚାଲିଥିଲା । ଏହାରି ଭିତରେ ଛାତ୍ରଛାତ୍ରୀଙ୍କ ଖାତା ମୂଲ୍ୟାୟନ ସରିଲାଣି; କିନ୍ତୁ ଓଜେଇଇ ପାଖକୁ ପରୀକ୍ଷାର୍ଥୀଙ୍କ ଅଙ୍କ (ମାର୍କ) ତାଲିକା ଆସିନାହିଁ । ଓଜେଇଇ କର୍ତ୍ତୃପକ୍ଷ ୨୫ରେ ଅଙ୍କ ତାଲିକା ପାଇବାର ସମ୍ଭାବନା ଥିବାରୁ ଏହାର ଦୁଇରୁ ତିନି ଦିନ ମଧ୍ୟରେ ଫଳ ପ୍ରକାଶ କରିବାର ସମ୍ଭାବନା ରହିଛି । କରୋନା କଟକଣାକୁ ପାଳନ କରି ପରୀକ୍ଷା ଦେଇଥିଲେ ବିଦ୍ୟାର୍ଥୀ । ଚଳିତ ବର୍ଷ ବି.ଟେକ ସହିତ ଅନ୍ୟାନ୍ୟ ବୈଷୟିକ ପାଠ୍ୟକ୍ରମ ପ୍ରବେଶିକା ପାଇଁ ୬୫,୦୦୦ ଛାତ୍ରଛାତ୍ରୀ ପଞ୍ଜୀକରଣ କରିଥିଲେ । ଏହା ପ୍ରାୟ ୭୫ ପ୍ରତିଶତ ବିଦ୍ୟାର୍ଥୀ ପରୀକ୍ଷା ଦେଇଛନ୍ତି ।