୨୪ ଘଣ୍ଟା ମଧ୍ୟରେ ପୁଣି ଦ୍ୱିତୀୟ ଥର ପାଇଁ ତାଇୱାନରେ ଭୟଙ୍କର ଭୂକମ୍ପ ହୋଇଛି । ରାତି ୧୦ଟା ସମୟରେ ତାଇୱାନରେ ଭୂକମ୍ପ ଝଟକା ଅନୁଭୂତ ହୋଇଥିଲା । ରିକ୍ଟର ସେଲରେ ଭୂକମ୍ପ ତୀବ୍ରତା ୬.୫ ରେକର୍ଡ କରାଯାଇଛି । ଏହାର ଠିକ୍ ଅଧଘଣ୍ଟା ପରେ ପୁଣିଥରେ ୫.୩ ତୀବ୍ରତାର ସହ ଭୂକମ୍ପ ଅନୁଭୂତ ହୋଇଥିଲା । ଭୂକମ୍ପ କେନ୍ଦ୍ରସ୍ଥଳୀ ରହିଥିଲା ୧୦ କିଲୋମିଟର ଗଭୀରତା ସହ ୨୩.୦୫ ଡିଗ୍ରୀ ଉତ୍ତର ଓ ୧୨୧.୨୧ ଡିଗ୍ରୀ ଦକ୍ଷିଣରେ ।
ଭୂକମ୍ପ ଝଟକାରେ କେଉଁଠି କାନ୍ଥ ଭୁଶୁଡି ଯାଇଥିଲା ତ ପୁଣି କୋଠା ବଙ୍କା ହୋଇଯାଇଥିଲା । ବିଦ୍ୟୁତ ସେବା ବିଚ୍ଛିନ୍ନ ହେବା ସହ ଖୁବ ଜୋରରେ ଶବ୍ଦ କରି ପାଣି ପାଇପ ଫାଟି ଯାଇଥିଲା । ରେଳସେବା ମଧ୍ୟ ବ୍ୟାହତ ହୋଇଛି । ତେବେ ମୃତାହତ ବିଷୟରେ କାଣସି ସୂଚନା ମିଳିନାହିଁ ।
ଲଗାତାର ଦୁଇଟି ଦୁଇଟି ଭୂକମ୍ପ ଯୋଗୁଁ ଲୋକେ ଆତଙ୍କିତ ହୋଇପଡିଛନ୍ତି। ଭୂମିକମ୍ପର ଉତ୍ପତି ସ୍ଥଳ ସମୁଦ୍ରରେ ଥିବା ଯୋଗୁ ସୁନାମୀ ଭୟ ମଧ୍ୟ ରହିଛି। ତେବେ ସୁନାମୀ ପାଇଁ ଏପର୍ଯ୍ୟନ୍ତ ସତର୍କତାଜାରି ହୋଇ ନାହିଁ।
