ବାରଣାସୀ,22 ଫେବୃୟାରୀ – ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଜି ରାତିରେ ନିଜର ସଂସଦୀୟ କ୍ଷେତ୍ର ବାରଣାସୀ ଗସ୍ତ କରିବେ । ଦୁଇଦିନିଆ ପ୍ରବାସରେ ସହରକୁ ଆସୁଥିବା ପ୍ରଧାନମନ୍ତ୍ରୀଙ୍କୁ ରାଜକୀୟ ଅନ୍ଦାଜରେ କରାଯିବ ସ୍ୱାଗତ । ଏଥିପାଇଁ ପ୍ରସ୍ତୁତି ପର୍ବ ଚୂଡାନ୍ତ ପର୍ଯ୍ୟାୟରେ ପହଞ୍ଚିଛି । ବିଜେପି କାଶୀ ଅଂଚଳର ପଦାଧିକାରୀ ଓ କାର୍ଯ୍ୟକର୍ତ୍ତାମାନେ ପ୍ରଧାନମନ୍ତ୍ରୀ ମୋଦି ଯିବା ଆସିବା ମାର୍ଗରେ ପୋଷ୍ଟର ବ୍ୟାନର ସହିତ ସ୍ଥାନେ ସ୍ଥାନେ ପ୍ରଧାନମନ୍ତ୍ରୀଙ୍କ କଟଆଉଟ, ହୋର୍ଡିଂସ ବି ଲଗାଇଛନ୍ତି ।
ବାବତପୁର ଏୟାରପୋର୍ଟରୁ ବରେକା ଗେଷ୍ଟ ହାଉସ ପର୍ଯ୍ୟନ୍ତ ପ୍ରଧାନମନ୍ତ୍ରୀ ମୋଦିଙ୍କ ସ୍ୱାଗତ ଢୋଲ ନାଗାଡେ ବଜାଯିବା ସହିତ ପୁଷ୍ପବର୍ଷା କରାଯିବ । ବାବତପୁର ଏୟାରପୋର୍ଟରୁ ବରେକା ଗେଷ୍ଟ ହାଉସ ଯାଏ 6ଟି ସ୍ୱାଗତ ଦ୍ୱାର କରାଯାଇଛି । ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଓ ରାଜ୍ୟପାଳ ଆନନ୍ଦୀବେନ ପଟେଲ ପିଏମ ମୋଦିଙ୍କୁ ବାବତପୁର ଏୟାରପୋର୍ଟରେ ସ୍ୱାଗତ କରିବେ । ନିଜର ସଂସଦୀୟ କ୍ଷେତ୍ରରେ ପ୍ରାୟ 12ଘଣ୍ଟା ପ୍ରବାସରେ ପିଏମ ମୋଦି ଫେବୃୟାରୀ 23 ଶୁକ୍ରବାର ଦିନ ସିରଗୋବର୍ଦ୍ଧନ ଓ କରଖିୟାଂବରେ ଜନସଭାକୁ ସମ୍ବୋଧିତ କରିବେ ।
