ତିରୁବନ୍ତପୁରମରେ ବିକ୍ରମ ସାରାଭାଇ ମହାକାଶ କେନ୍ଦ୍ର ପରିଦର୍ଶନ କଲେ ପିଏମ ମୋଦି, ତିନୋଟି ପ୍ରକଳ୍ପର କଲେ ଉଦଘାଟନ

ନୂଆଦିଲ୍ଲୀ, 27 ଫେବୃଆରୀ- ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଙ୍ଗଳବାର ଭାରତୀୟ ମହାକାଶ ଅନୁସନ୍ଧାନ ସଙ୍ଗଠନ (ଇସ୍ରୋ)ର ଅଧ୍ୟକ୍ଷ ଏସ ସୋମନାଥଙ୍କ ସହିତ ତିରୁବନ୍ତପୁରମ ସ୍ଥିତ ବିକ୍ରମ ସାରାଭାଇ ମହାକାଶ କେନ୍ଦ୍ର ପରିଦର୍ଶନ କରିଛନ୍ତି । ଏହି ଅବସରରେ ଭାରତର ପ୍ରଥମ ମହାକାଶ ଯାତ୍ରାରେ ଯାଇଥିବା 4ଜଣ ଯାତ୍ରୀଙ୍କୁ ସମ୍ମାନିତ କରିଥିଲେ ପିଏମ ।
ପ୍ରଧାନମନ୍ତ୍ରୀ କେନ୍ଦ୍ରରେ ପ୍ରାୟ 18ଶହ କୋଟି ଟଙ୍କାର ତିନୋଟି ଗୁରୁତ୍ୱପୂର୍ଣ୍ଣ ମହାକାଶ ଭିତ୍ତିଭୂମି ପ୍ରକଳ୍ପର ଉଦଘାଟନ କରିଥିଲେ । ପ୍ରକଳ୍ପରେ ସତୀଶ ଧାୱନ ମହାକାଶ କେନ୍ଦ୍ରରେ ଏସଏଲଭି ଏକିକରଣ ସୁବିଧା, ମହେନ୍ଦ୍ରଗିରିରେ ଇସ୍ରୋ ପ୍ରୋପଲସନ କମ୍ପ୍ଲେକ୍ସରେ ନୂଆ ‘ସେମି-କ୍ରାୟୋଜେନିକ୍ସ ଇଣ୍ଟିଗ୍ରେଟେଡ ଇଞ୍ଜିନ ଓ ଷ୍ଟେଜ ଟେଷ୍ଟ ସୁବିଧା ଓ ବିଏସଏସସି, ତିରୁବନ୍ତପୁରମରେ ଟ୍ରାଇସୋନିକ ୱିଣ୍ଡ ଟନେଲ ସାମିଲ ରହିଛି ।
ଏହି ଅବସରରେ ପିଏମ ମୋଦି କହିଥିଲେ ଯେ, ନୂଆ କାଳଚକ୍ରରେ ବିଶ୍ୱ ବ୍ୟବସ୍ଥାରେ ଭାରତ ନିଜର ମହାକାଶ ନିୟମିତ ଭାବେ ବୃଦ୍ଧି କରୁଛି ଏବଂ ଏହା ଆମର ମହାକାଶ କାର୍ଯ୍ୟକ୍ରମରେ ସ୍ପଷ୍ଟ ଦୃଶ୍ୟମାନ ହେଉଛି । ସେ କହିଛନ୍ତି ଯେ, ଆଜି ଆମର ଏକମାତ୍ର ସଂକଳ୍ପ ଓ ଧ୍ୟାନ ହାତରେ ତ୍ରିରଙ୍ଗା, ମହାକାଶ ଓ 140 କୋଟି ଦେଶବାସୀଙ୍କ ସ୍ୱପ୍ନ ହେବା ଆବଶ୍ୟକ ।