Breaking PLUSଓଡ଼ିଶାମୁଖ୍ୟ ଖବର

ମହାମାରୀ ପ୍ରଭାବରୁ ଛାତ୍ରଛାତ୍ରୀଙ୍କ ପାଇଁ ଆହୁରି ୨୦% ପାଠ୍ୟକ୍ରମ ହ୍ରାସ

ପରୀକ୍ଷା ପାଇଁ ଆହୁରି ୨ମାସ ବିଳମ୍ବ ହେବା ସମ୍ଭାବନା

କରୋନା ସଂକ୍ରମଣ ଜନିତ ତାଲାବନ୍ଦ ଯୋଗୁଁ ବିନା ପାଠପଢ଼ାରେ ଶିକ୍ଷା ବର୍ଷର ଅର୍ଦ୍ଧେକ ଗଡ଼ି ଯାଇଥିବାରୁ ସିବିଏସ୍ଇ ପାଠ୍ୟକ୍ରମର ୫୦ ପ୍ରତିଶତ ହ୍ରାସ କରିବାକୁ ଚିନ୍ତା କରୁଛି। ଏଥି ସହିତ ବୋର୍ଡ ପରୀକ୍ଷାକୁ ମଧ୍ୟ ବିଳମ୍ବିତ କରିବାକୁ ଯୋଜନା କରୁଛି। ପୂର୍ବରୁ ଜୁଲାଇରେ ସିବିଏସ୍ଇ ୨୦୨୦-୨୧ ଶିକ୍ଷା ବର୍ଷ ପାଇଁ ୩୦ ପ୍ରତିଶତ ପାଠ୍ୟକ୍ରମ ହ୍ରାସ ଘୋଷଣା କରିଥିଲେ। ଆଇସିଏସ୍ଇ ମଧ୍ୟ ସମାନ ପଦକ୍ଷେପ ନେଇଥିଲା। ଏବେ ଏହାକୁ ୫୦ ପ୍ରତିଶତ କରିବା ପାଇଁ ଯୋଜନା ଚାଲିଛି।

ସେହିଭଳି ବାର୍ଷିକ ପରୀକ୍ଷାକୁ ୪୫ରୁ ୬୦ ଦିନ ବିଳମ୍ବିତ କରିବା ପାଇଁ ଚିନ୍ତା କରାଯାଉଛି। ବିଦ୍ୟାଳୟଗୁଡ଼ିକ ଏ ପର୍ୟ୍ୟନ୍ତ ଖୋଲି ନ ଥିବାରୁ ଏଭଳି ଚିନ୍ତା କରାଯାଉଛି; ତେବେ ଏ ସଂକ୍ରାନ୍ତ ଚୂଡ଼ାନ୍ତ ନିଷ୍ପତ୍ତି ନେବା ପାଇଁ ଆଉ କିଛି କାଳ ଲାଗିବ ବୋଲି ସୂଚନା ମିଳିଛି। ଅପରପକ୍ଷରେ ଚଳିତ ମାସ ୧୫ ତାରିଖ ପରଠାରୁ କରୋନା ମାର୍ଗଦର୍ଶିକା ଓ ଶିକ୍ଷା ମନ୍ତ୍ରଣାଳୟ ଦ୍ବାରା ଜାରି ସ୍ବତନ୍ତ୍ର ନିର୍ଦେଶାବଳୀ ଆଧାରରେ ଶିକ୍ଷାନୁଷ୍ଠାନ ଖୋଲିବା ପାଇଁ କେନ୍ଦ୍ର ସରକାରଙ୍କ ପକ୍ଷରୁ ନିର୍ଦେଶନାମା ଜାରି ହୋଇଛି।

Tags
Show More

Related Articles

Back to top button
Close