ସବୁଠାରୁ ଅଧିକ ଫି’ ନେଉଥିବା ଭାରତୀୟ ଅଭିନେତା ହେଲେ ପ୍ରଭାସ

ସୁପରଷ୍ଟାର ପ୍ରଭାସ ତାଙ୍କ ଟାଲେଣ୍ଟ ଏବଂ ଜବରଦସ୍ତ ଆକ୍ଟିଂ ସହିତ ଦର୍ଶକଙ୍କ ହୃଦୟ ଜିତିଛନ୍ତି। ଜଣେ ସାଉଥ୍ ଇଣ୍ଡିଆନ୍ ଷ୍ଟାର ହୋଇଥିଲେ ମଧ୍ୟ ତାଙ୍କର କେବଳ ବଲିଉଡରେ ନୁହେଁ ହଲିଉଡରେ ବି ଆଲୋଚନା ହେଉଛି। ବର୍ତ୍ତମାନ ପ୍ରଭାସଙ୍କୁ ନେଇ ଏକ ବଡ଼ ଖବର ସାମ୍ନାକୁ ଆସିଛି। ସେ ଭାରତର ସର୍ବାଧିକ ପାରିଶ୍ରମିକ ପ୍ରାପ୍ତ ଅଭିନେତା ହୋଇଛନ୍ତି। ପ୍ରଭାସଙ୍କର ଅନେକ ଫିଲ୍ମ ଅଛି ଯାହା ରିଲିଜ୍ ପାଇଁ ପ୍ରସ୍ତୁତ, ଯେଉଁଥିରେ ରାଧେ ଶ୍ୟାମ, ସଲାର, ଆଦିପୁରୁଶ, ପ୍ରୋଜେକ୍ଟ କେ ଏବଂ ସ୍ପ୍ରିଟ୍ ​​ଅନ୍ତର୍ଭୁକ୍ତ। ଭୂଷଣ କୁମାର ପ୍ରଭାସଙ୍କ ଅଧାରୁ ଅଧିକ ଫିଲ୍ମ ନିର୍ମାଣ କରୁଛନ୍ତି। ଭୂଷଣ କୁମାର ବଲିଉଡର ଅନ୍ୟତମ ବଡ ନିର୍ମାତା ଏବଂ ସେ ବର୍ତ୍ତମାନ ଏକ ବଡ ପ୍ୟାନ ଇଣ୍ଡିଆ ଫିଲ୍ମ ନିର୍ମାଣ କରିବାକୁ ଯାଉଛନ୍ତି ଏବଂ ସେ ଏଥିପାଇଁ ପ୍ରଭାସଙ୍କ ସହ କୋର୍ଡିନେଟ୍ କରୁଛନ୍ତି।

ନିର୍ମାତା ନିଶ୍ଚିତ ଯେ ପ୍ରଭାସଙ୍କୁ ଏହି ଫିଲ୍ମରେ ନେବା ଦ୍ୱାରା ଫିଲ୍ମଟି ଅଧିକରୁ ଅଧିକ ଲୋକଙ୍କ ନିକଟରେ ପହଞ୍ଚିବ ଏବଂ ଏଥିପାଇଁ ସେ ପ୍ରଭାସଙ୍କୁ ସର୍ବାଧିକ ଦେୟ ଦେବାକୁ ଦ୍ୱିଧା ବି କରୁନାହାଁନ୍ତି। ପ୍ରଭାସଙ୍କ ସହ କାମ କରିବା ଏତେ ସହଜ ବି ନୁହେଁ। କାରଣ ତାଙ୍କର ଅନେକ ପ୍ରୋଜେକ୍ଟ ଅଛି। ବଲିଉଡ ହଙ୍ଗାମା ରିପୋର୍ଟ ଅନୁଯାୟୀ, ସନ୍ଦୀପ ରେଡ୍ଡୀ ଭଙ୍ଗାଙ୍କ ଫିଲ୍ମ ପାଇଁ ପ୍ରଭାସ ୧୫୦ କୋଟି ଟଙ୍କା ଚାର୍ଜ କରିଛନ୍ତି ଏବଂ ଏଥି ସହ ସେ ସର୍ବାଧିକ ପାରିଶ୍ରମିକ ପ୍ରାପ୍ତ ଅଭିନେତାମାନଙ୍କ ମଧ୍ୟରୁ ଜଣେ ହୋଇଛନ୍ତି। ଫିଲ୍ମ ଆଦି ପୁରଷ ପାଇଁ ପ୍ରଭାସଙ୍କୁ ୧୫୦ କୋଟି ଟଙ୍କା ମିଳିଛି। ବର୍ତ୍ତମାନ ୧୦ ବର୍ଷର ମଧ୍ୟରେ ପ୍ରଭାସ ତୃତୀୟ ବଡ ଅଭିନେତା ଯିଏ ୧୦୦ କୋଟିରୁ ଅଧିକ ରୋଜଗାର କରିଛନ୍ତି। ଏହାପୂର୍ବରୁ ସଲମାନ ସୁଲତାନ ଏବଂ ଟାଇଗର ଜିନ୍ଦା ହୈ ପାଇଁ ୧୦୦ କୋଟି ଟଙ୍କା ପାଇଥିଲେ। ଅକ୍ଷୟ କୁମାର ମଧ୍ୟ ବେଲ ବଟମ ପାଇଁ ୧୦୦ କୋଟି ଟଙ୍କା ନେଇଥିଲେ।