ନୂଆଦିଲ୍ଲୀ: ମସଜିଦ୍ ଯାଇ ଅଲ ଇଣ୍ଡିଆ ଇମାମ ସଙ୍ଗଠନର ମୁଖ୍ୟଙ୍କୁ ରାଷ୍ଟ୍ରୀୟ ସ୍ୱୟଂ ସେବକ ସଂଘର ମୁଖ୍ୟ ମୋହନ ଭାଗବତ ଭେଟିବା ପରେ ଚର୍ଚ୍ଚା ଆରମ୍ଭ ହୋଇଛି। ଉଭୟଙ୍କ ଭେଟଘାଟ ରାଜନୈତିକ ମାହୋଲକୁ ସରଗରମ କରିଛି। ଏନେଇ କଂଗ୍ରେସ ପକ୍ଷରୁ ପ୍ରତିକ୍ରିୟା ରଖାଯାଇଛି। କଂଗ୍ରେସ ନେତା ଗୌରବ ବଲ୍ଲଭ କହିଛନ୍ତି ଯେ, ଉଭୟଙ୍କ ମଧ୍ୟରେ ସାକ୍ଷାତ ହେଉଛି ରାହୁଲ ଗାନ୍ଧିଙ୍କ ‘ଭାରତ ଯୋଡ଼ ଯାତ୍ରା’ର ପ୍ରଭାବ। ଏହି ପରିପ୍ରେକ୍ଷୀରେ ସେ ମୋହନ ଭାଗବତଙ୍କୁ ରାହୁଲ ଗାନ୍ଧିଙ୍କ ଭାରତ ଯୋଡ ଅଭିଯାନରେ ସାମିଲ ହେବା ପାଇଁ ଆମନ୍ତ୍ରଣ କରିଛନ୍ତି। ନିକଟରେ ମୁସଲିମ ନେତାଙ୍କୁ ଭେଟିବା ପରେ ଗତକାଲି ମୋହନ ଭାଗବତ ଦିଲ୍ଲୀର ଏକ ଜଣାଶୁଣା ମସଜିଦ୍ ଯାଇ ଏଠିକାର ମୌଲବୀ ତଥା ଅଲ ଇଣ୍ଡିଆ ଇମାମ ସଙ୍ଗଠନର ମୁଖ୍ୟ ଡ. ଉମେର ଅହମ୍ମଦ ଇଲିୟାସିଙ୍କୁ ଭେଟିଛନ୍ତି। ଏହି ସାକ୍ଷାତକାର ପରେ ଇଲିୟାସି ମୋହନ ଭାଗବତଙ୍କକୁ ଜାତିର ପିତା ବୋଲି ଅଭିହିତ କରାଇଛନ୍ତି। କଂଗ୍ରେସ ନେତା ଗୌରବ ବଲ୍ଲଭ କହିଛନ୍ତି ଯେ, ରାହୁଲ ଗାନ୍ଧିଙ୍କ ଭାରତ ଯୋଡ ଯାତ୍ରା ଅଭିଯାନର ସୁଫଳ ଦେଖିବାକୁ ମଳିଛି। କାରଣ ପ୍ରଥମଥର ପାଇଁ ଆରଏସଏସ ମୁଖ୍ୟ ମୋହନ ଭାଗବତ ମାଦ୍ରାସା ପରିଦର୍ଶନ କରିଛନ୍ତି। ସେ କହିଛନ୍ତି ଯେ ଭାରତ ଯୋଡ଼ ଯାତ୍ରାକୁ ମାତ୍ର ୧୫ ଦିନ ପୁରିଛି। କିନ୍ତୁ ଏହାର ପ୍ରଭାବ ସକରାତ୍ମକ ରହିଛି । ଜଣେ ବିଜେପି ନେତା ଟେଲିଭିଜନ ଡିବେଟରେ ଗଡ଼ସେ ମୁର୍ଦ୍ଦାବାଦ ମଧ୍ୟ କହିଛନ୍ତି। ମୋହନ ଭାଗବତ ମଧ୍ୟ ଭିନ୍ନ ଧର୍ମର ଲୋକଙ୍କୁ ଭେଟିଛନ୍ତି। ଏହା ହେଉଛି ଭାରତ ଯୋଡ଼ୁ ଯାତ୍ରାର ପ୍ରଭାବ ବୋଲି ସେ ଦୋହରାଇଛନ୍ତି। କେନ୍ଦ୍ରର ଶାସକ ଦଳ ପକ୍ଷରୁ ପ୍ରସାରିତ କରାଯାଉଥିବା ଘୃଣା, ବିଭାଜନ ଓ ବିଦ୍ୱେଶ ଉପରେ ଏହି ଯାତ୍ରା ହେଉଛି ବୋଲି ସେ କହିଛନ୍ତି । ଆରଏସ୍ଏସ୍ ମୁଖ୍ୟ ମୋହନ ଭାଗବତ ଗୁରୁବାର ଦିଲ୍ଳୀର ଏକ ମସଜିଦ ପରିଦର୍ଶନରେ ଯାଇଥିଲେ। ସେଠାରେ ମୁଖ୍ୟ ଇମାମଙ୍କ ସହିତ ସାକ୍ଷାତ ଆଲୋଚନା କରିବା ସହିତ ମଦ୍ରାସାରେ ପିଲାମାନଙ୍କ ସହିତ କିଛି ସମୟ କଟାଇଥିଲେ।
Related Articles
Check Also
Close
-
ବାଲେଶ୍ୱରରେ ବିଜେପିର ବିଶାଳ ସମାବେଶ1 hour ago