ମସ୍କଙ୍କ ସହ ଲଢେଇରୁ ଓହରିଲେ ଜୁକରବର୍ଗ

ବିଶ୍ବର ଏକ ନମ୍ବର ଧନୀ ତଥା ଟେସଲାର୍ ମୁଖ୍ୟ 52 ବର୍ଷୀୟ ଏଲନ୍ ମସ୍କଙ୍କ ସହ ହେବାକୁ ଥିବା ବହୁଚର୍ଚ୍ଚିତ କେଜ୍ ଫାଇଟରୁ ମେଟାର ମୁଖ୍ୟ 37 ବର୍ଷୀୟ ମାର୍କ ଜୁକରବର୍ଗ ଓହରିଯାଇଛନ୍ତି । ସେ କହିଛନ୍ତି ଯେ, ଲଢେଇ ପାଇଁ ମସ୍କ ପ୍ରତିବଦ୍ଧ ନାହାନ୍ତି । ସେ ଲଢେଇକୁ ଆଦୌ ଗମ୍ଭୀରତାର ସହ ନେଉନାହାନ୍ତି । ମୁଁ ତାଙ୍କୁ ଏକତାରିଖରେ ପ୍ରସ୍ତାବ ଦେଇଥିଲି ।ଲଢେଇରୁ ଯେଉଁ ଆୟ ହେବ ତାହାକୁ ଦାତବ୍ୟ କାର୍ଯ୍ୟ ପାଇଁ ଦାନ କରିବାକୁ ସ୍ତିର ହୋଇଥିଲା । ସେ କୌଣସି ତାରିଖ ଧାର୍ଯ୍ୟ କରିପାରୁନାହାନ୍ତି । ପରେ କହିଲେ ମୋର ଅସ୍ତ୍ରୋପଚାର ହେବ । ଏବେ କହୁଛନ୍ତି ଆମେ ଅଭ୍ୟାସ କରିବା । ଯଦି ମସ୍କ ଲଢେଇକୁ ଗମ୍ଭୀରତାର ସହ ନେବେ ତେବେ ଲଢେଇ ହେବ ।ଏବେ ଆଗକୁ ବଢିବାର ସମୟ ବୋଲି କହିଛନ୍ତି ଜୁକରବର୍ଗ । ଯେଉଁମାନେ ଲଢେଇକୁ ଧ୍ୟାନ ଦେଉଛନ୍ତି ସେମାନଙ୍କସହ ଲଢେଇ କରିବା ଠିକ୍ ହେବ ବୋଲି କହିଛନ୍ତି ଜୁକରବର୍ଗ । କେଜ ଫାଇଟ୍ ପାଇଁ ଉଭୟଙ୍କ ମଧ୍ୟରେ ଆଲୋଚନା ହୋଇଥିଲା ।