ଜମ୍ମୁ-କାଶ୍ମୀର କିସ୍ତୱାଡ଼ ଜିଲ୍ଲାରେ ନିର୍ମାଣାଧିନ ରତେଲ ବିଦ୍ୟୁତ ପ୍ରକଳ୍ପ ସାଇଟ୍ରେ ଭୂସ୍ଖଳନ । ଏହି ଘଟଣାରେ ମୃତ୍ୟୁ ସଂଖ୍ୟା ୪କୁ ବୃଦ୍ଧି ପାଇଥିବାବେଳେ ୬ଜଣ ଆହତ ହୋଇଛନ୍ତି । ସମସ୍ତ ଆହତଙ୍କୁ ଭିନ୍ନ ଭିନ୍ନ ହସ୍ପିଟାଲରେ ଭର୍ତ୍ତି କରାଯାଇଛି । ଘଟଣା ସମ୍ପର୍କରେ ସୂଚନା ଦେଇ କିସ୍ତୱାର ଡେପୁଟି କମିଶନର ଦେବାଶଂ ଯାଦବ କହିଛନ୍ତି ‘ ଭୁସ୍ଖଳନ ଘଟଣାରେ ଉଦ୍ଧାର କାର୍ଯ୍ୟ ଶେଷ ହୋଇଛି।
ସୂଚନା ମୁତାବକ, ଚେନାବ ନଦୀ ଉପରେ ହେଉଥିବା ଏହି ବିଦ୍ୟୁତ୍ ପ୍ରକଳ୍ପର କାମ ଚାଲିଥିବା ବେଳେ ହଠାତ୍ ବିଳମ୍ବିତ ରାତିରେ ଭୂସ୍ଖଳନ ଯୋଗୁଁ କିଛି ଲୋକ ମାଟି ଅତଡା ତଳେ ଦବି ଯାଇଥିଲେ । ସେମାନଙ୍କୁ ଉଦ୍ଧାର କରାଯାଉଥିବା ସମୟରେ ପୁଣିଥରେ ଭୂସ୍ଖଳନ ହୋଇଥିଲା । ଯାହାଫଳରେ ଉଦ୍ଧାରରେ ସାମିଲ ହୋଇଥିବା ଲୋକେ ମଧ୍ୟ ଫସି ଯାଇଥିଲେ । ବର୍ତ୍ତମାନ ଉଦ୍ଧାର କାର୍ଯ୍ୟ ସରିଥିବା ବେଳେ ଜଣେ ପୋଲିସ କର୍ମୀ ଓ ଜେସିବି ଡ୍ରାଇଭରଙ୍କ ସମେତ ମୋଟ ୪ ଜଣଙ୍କ ମୃତଦେହ ଉଦ୍ଧାର ହୋଇଛି । ସେହିପରି ୬ ଜଣଙ୍କୁ ଆହତ ଅବସ୍ଥାରେ ବାହାର କରାଯାଇ ମେଡିକାଲରେ ଭର୍ତ୍ତି କରାଯାଇଛି ।
ଦୁର୍ଘଟଣା ସମ୍ପର୍କରେ ସୂଚନା ଦେଇ ଟ୍ୱିଟ୍ କରିଛନ୍ତି କେନ୍ଦ୍ରମନ୍ତ୍ରୀ ଡ. ଡିତେନ୍ଦ୍ର ସିଂହ। ପୀଡ଼ିତମାନଙ୍କୁ ଉଦ୍ଧାର କରିବା ପାଇଁ ପ୍ରୟାସ ଜାରି ରହିଛି। ସମସ୍ୟା ଜାଣିବା ପାଇଁ ଜିଲ୍ଲା ପ୍ରଶାସନ ସହିତ ସମ୍ପର୍କରେ ରହିଛି ବୋଲି ଶ୍ରୀ ସିଂହ ଟ୍ୱିଟ୍ କରିଛନ୍ତି।
