ଆସନ୍ତୁ ଜାଣିବା ହାତ-ପାଦ ହାତ ଓ ପାଦ ଥରୁଥିଲେ ଏହା ପଛର କାରଣ

ଯଦି ଆପଣଙ୍କୁ ଏହି ସମସ୍ୟା ବାରମ୍ବାର ହେଉଛି ତେବେ ଡାକ୍ତରଙ୍କ ପରାମର୍ଶ ନିଅନ୍ତୁ । ତେବେ ଆସନ୍ତୁ ଜାଣିବା କେଉଁ କେଉଁ କାରଣରୁ ହାତ-ପାଦ ଥରିଥାଏ ।

ଥାଇରଏଡ୍ ବଢିବା :

ବେକର ମଧ୍ୟ ଭାଗରେ ଏକ ଛୋଟ ଗ୍ରନ୍ଥି ରହିଛି ଯାହାକୁ ଥାଇରଏଡ୍ କୁହାଯାଏ । ଯେତେବେଳେ ତାହା ବଢିଯାଏ ହୃତପିଣ୍ଡର ସ୍ପନ୍ଦନ ମଧ୍ୟ ବଢି ଯାଇଥାଏ । ଏଥିସହିତ ଆପଣଙ୍କ ଓଜନ ମଧ୍ୟ ହ୍ରାସ ପାଇଥାଏ ଏବଂ ହାତ ଥରିଥାଏ । ଏଥିପାଇଁ ଆପଣଙ୍କୁ ଡାକ୍ତରଙ୍କ ପରାମର୍ଶ ନେବା ଉଚିତ୍ ।

ଚିନ୍ତା ମଧ୍ୟ ଏକ କାରଣ :

ଶରୀରରେ କୋର୍ଟିସୋଲ୍ ହର୍ମୋନର ଲେବଲ ଖରାପ ହେବା କାରଣରୁ ଚିନ୍ତା ବଢିଥାଏ । ଏହି କାରଣରୁ ଶରୀରର ରକ୍ତ ସଞ୍ଚାଳନରେ ଅସୁବିଧା ଦେଖାଯାଏ ଯାହା କାରଣରୁ ହାତ-ପାଦ ଥରିବା ଆରମ୍ଭ ହୋଇଥାଏ । ଏହି ସମସ୍ୟାରୁ ବଞ୍ଚିବା ପାଇଁ ଅନିଦ୍ରା ହୁଅନ୍ତୁ ନାହିଁ ଏବଂ ଚିନ୍ତା ଦୂରକରିବା ପାଇଁ ବ୍ୟାୟାମର ସାହାଯ୍ୟ ନିଅନ୍ତୁ ।

ଚା’-କଫିର ଅଭ୍ୟାସ :

ଅତ୍ୟଧିକ ମାତ୍ରାର ଚା’ କିମ୍ବା କଫି ସେବନ କରିବା ଦ୍ବାରା ହାତ-ପାଦ ଥରିଥାଏ । ଏହାଦ୍ବାରା ହାତ ଥରିବା ସହ ଅନିଦ୍ରା, ଚିନ୍ତା, ହୃତପିଣ୍ଡ ସ୍ପନ୍ଦନ ବଢିବା ଭଳି ଅନେକ ସମସ୍ୟାର ସାମ୍ନା କରିବାକୁ ପଡିଥାଏ । ସେଥିଲାଗି ଗୋଟିଏ ଦିନରେ କେବଳ ୪୦୦ ମିଲିଗ୍ରାମ୍ କାଫିନର ସେବନ କରନ୍ତୁ କିମ୍ବା ଚା’ ଏବଂ କଫିର ଅଭ୍ୟାସ କମ୍ କରନ୍ତୁ ।

ଔଷଧର ପାର୍ଶ୍ବ ପ୍ରତିକ୍ରିୟା :

ଏହି ସମସ୍ୟାର ଅନ୍ୟ ଏକ କାରଣ ଔଷଧର ପାର୍ଶ୍ବ ପ୍ରତିକ୍ରିୟା କାରଣରୁ ମଧ୍ୟ ହୋଇଥାଇପାରେ । ସେଥି ମଧ୍ୟରୁ ବ୍ଲଡ୍ ପ୍ରେସର, ଆଣ୍ଟିଡିପ୍ରେସନ୍, ଶ୍ବାସ ରୋଗ ଭଳି ଔଷଧର ସେବନ କାରଣରୁ ହାତ ଥରିବାର କାରଣ ହୋଇଥାଏ । ଯଦି ଆପଣଙ୍କୁ ଏମିତି ଅନୁଭବ ହେଉଛି କିମ୍ବା କୌଣସି ଔଷଧ ସେବନ କାରଣରୁ ହାତ ଥରୁଛି ତେବେ ଡାକ୍ତରଙ୍କ ପରାମର୍ଶ ନିଅନ୍ତୁ ।

ମଦ୍ୟପାନ କରିବା :

ଅବଶ୍ୟକତାରୁ ଅଧିକ ମଦ୍ୟପାନ ସେବନ କରିବା ଦ୍ବାରା ସମସ୍ୟା ଦେଖିବାକୁ ମିଳିଥାଏ । ତଥାପି ୫-୬ ଦିନରେ ଏହି ସମସ୍ୟା ଆପେ ଠିକ୍ ହୋଇଯାଏ । କିନ୍ତୁ ଅତ୍ୟଧିକ ମଦ୍ୟପାନ କରିବା ଶରୀର ପାଇଁ ହାନି କାରକ ହୋଇଥାଏ ।