ବିକ୍ରି ହୋଇଗଲା ଭୁଷଣ ଷ୍ଟିଲ୍‌, ଏବେ ପରିଚାଳନା ଭାର ସମ୍ଭାଳିବ JSW ଷ୍ଟିଲ୍ ‌‌

ଭୁଷଣ ଷ୍ଟିଲ କମ୍ପାନୀର ମାଲିକ ବିଭିନ୍ନ ବ୍ୟାଙ୍କରୁ ପ୍ରାୟ ୫୦ ହଜାର କୋଟି ଟଙ୍କା ଋଣ ନେଇ ଦେବାଳିଆ ହେବା ପରେ ଗତ ୪ ବର୍ଷ ହେବ କାରଖାନାକୁ ବ୍ୟାଙ୍କ ସମୂହ ଚଳାଇ ଆସୁଥିଲେ । ଏନସିଏଲଟି ପକ୍ଷରୁ ଏହି କାରଖାନାକୁ ନିଲାମ କରାଯିବାକୁ ବିଡିଂ ଆହ୍ୱାନ କରାଯିବା ପରେ ଟାଟା କଂପାନୀ ନିଜର ଆଗ୍ରହ ପ୍ରକାଶ କରିଥିଲା । କିନ୍ତୁ ଟାଟା କଂପାନୀଠାରୁ ଅଧିକ ଅର୍ଥ ଦେବାକୁ ରାଜି ହୋଇଥିଲା ଜେଏସଡବ୍ଲ୍ୟୁ ଷ୍ଟିଲ୍ ଲିମିଟେଡ୍ । ଫଳରେ ଭୂଷଣକୁ ଜେଏସଡବ୍ଲ୍ୟୁ ହାତରେ ବିକ୍ରି କରିବାକୁ ନିଷ୍ପତ୍ତି ନେଇଥିଲା ଏନସିଏଲଟି ।

ଏହି ନିଷ୍ପତ୍ତି ଅନୁସାରେ ମାର୍ଚ୍ଚ ୩୧ ସୁଦ୍ଧା ସମସ୍ତ ପ୍ରାପ୍ୟ ପ୍ରଦାନ କରି କାରଖାନା ପରିଚାଳନା ଭାର ନେବାକୁ ଏନସିଏଲଟି ନିର୍ଦ୍ଦେଶ ଦେଇଛି । ଏହାପରେ ଆଜି ବିଧିବଦ୍ଧ ଭାବେ ନିଲାମ୍ ମୁଲ୍ୟ ୧୯ ହଜାର ୩୫୦ କୋଟି ଟଙ୍କା ପ୍ରଦାନ କରିଛି ଜେଏସଡବ୍ଲୁ । ଜେଏସଡବ୍ଲୁ କାରଖାନା କିଣିବା ପରେ କର୍ମଚାରୀ ମହଲରେ ରହିଥିବା ଆଶଙ୍କା ଦୂର ହେବା ସହ ସେମାନଙ୍କ ମଧ୍ୟରେ ଖୁସିର ଲହରୀ ଖେଳି ଯାଇଥିବା ଦେଖିବାକୁ ମିଳିଛି ।