ବିବାହ ପୂର୍ବରୁ ଅଫେରା ରାସ୍ତାକୁ ଚାଲିଗଲେ ଦୁଇ ପ୍ରେମୀଯୁଗଳ

ଦୁଇ ପ୍ରେମୀ ଯୁଗଳଙ୍କ ଭଲ ପାଇବାକୁ ସ୍ୱୀକୃତି ଦେଇଥିଲେ ପରିବାର ଲୋକ। ତାଙ୍କ ଭଲପାଇବାକୁ ଦୁଇ ପରିବାର ସ୍ୱୀକାର କରିଥିଲେ । ଏବଂ ତାଙ୍କ ବାହାଘର ପାଇଁ ସ୍ୱୀକୃତି ମଧ୍ୟ ଦେଇଥିଲେ । ହେଲେ ସବାରୀ ଉଠିବା ଆଗରୁ ଉଠିଲା ଶବ। ଉଭୟ ହାତ ଧରାଧରି ହୋଇ ଚାଲିଗଲେ ଅଫେରା ରାସ୍ତାରେ। ରାସ୍ତା ଦୁର୍ଘଟଣାରେ ମୃତ୍ୟୁ ପରେ ଦୁଇ ପରିବାରରେ ଖେଳି ଯାଇଛି ଶୋକର ଛାୟା। ଏହି ହୁଇ ପ୍ରେମୀଯୁଗଳ ହେଉଛନ୍ତି ଖଡ଼ିଆଳ ଗାଁର ରୁବି ଭୋଇ ଓ ସିନାପାଲି ହାତିବନ୍ଧ ଗ୍ରାମର କ୍ଷୀରସିନ୍ଧୁ କାଣ୍ଡ ପରସ୍ପରକୁ ଭଲ ପାଉଥିଲେ। ଫେବୃଆରୀ ୨୫ ତାରିଖରେ ହୋଇଥିଲା ନିର୍ବନ୍ଧ। ଜୁନ୍‌ ମାସରେ ହୋଇଥାଆନ୍ତା ବାହାଘର। ବଧୂ ବେଶରେ ସଜେଇ ହୋଇ କ୍ଷୀରସିନ୍ଧୁଙ୍କ ଘରକୁ ଯାଇଥାଆନ୍ତେ ରୁବି। ହେଲେ ତା’ ପୂର୍ବରୁ ଏମିତି କିଛି ଘଟଣା ଘଟିବ ବୋଲି କେହି ସହଜରେ ବିଶ୍ୱାସ କରିପାରୁନାହାନ୍ତି।