ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଗୁଜୁରାଟ ଗସ୍ତର ୨ୟ ଦିନ । ଏହି ଅବସରରେ ଆଜି ସକାଳୁ ସୋମନାଥ ମନ୍ଦିର ପରିଦର୍ଶନ କରି ପୂଜାର୍ଚ୍ଚନା କରିଥିଲେ । ସୋମନାଥ ଦର୍ଶନ ପରେ ବେରାଭାଲରୁ ଶକ୍ତି ପ୍ରଦର୍ଶନ ଆରମ୍ଭ କରିଥିଲେ ।
ତେବେ ଆଜି ବେରାଭାଲ, ଧରାଜୀ, ଅମରେଲି, ବୋଟାଡ ଜନସଭାର କର୍ମୀ ମାନଙ୍କୁ ସମ୍ବୋଧନ କରି ଗୁରୁମନ୍ତ୍ର ଦେବେ ପ୍ରଧାନମନ୍ତ୍ରୀ । ସେହିପରି ଆସନ୍ତା କାଲି ମୋଦୀ ସୁରେନ୍ଦ୍ର ନଗର, ଭାରୁଚ ଏବଂ ନବସାରୀରେ ତିନୋଟି ନିର୍ବାଚନ ପ୍ରଚାରରେ ସାମିଲ ହେବେ ।
ଗୁଜରାଟ ବିଧାନସଭା ପାଇଁ ଡିସେମ୍ବର ୧ତାରିଖରେ ପ୍ରଥମ ପର୍ଯ୍ୟାୟ ମତଦାନ ହେବାକୁ ଥିବାବେଳେ ଦଳୀୟ ପ୍ରାର୍ଥୀଙ୍କ ପାଇଁ ପ୍ରଚାର କରିବା ସହ ଏକାଧିକ ନିର୍ବାଚନରେ ରାଲିରେ ସାମିଲ ହେବେ ।
ଏତଦବ୍ୟାତୀତ ମୋଦୀ ୧୯ରୁ ୨୧ ତାରିଖ ପର୍ଯ୍ୟନ୍ତ ସୌରାଷ୍ଟ୍ର ଏବଂ ଦକ୍ଷିଣ ଗୁଜୁରାଟ ଅଂଚଳରେ ଆଠରୁ ଉଦ୍ଧ୍ୱର୍ ନିର୍ବାଚନ ସଭାରେ ଯୋଗଦେବା ସହିତ ବିଶାଳ ରୋଡ ଶୋ ମାଧ୍ୟମରେ ଦଳୀୟ ପାର୍ଥୀଙ୍କ ପାଇଁ ପ୍ରଚାର କରିବେ ।
