ନୀଳଗିରି: ବାଲେଶ୍ୱର ଜିଲା ନୀଳଗିରି ସ୍ଥିତ କୁଲଡିହା ଅଭୟାରଣ୍ୟରେ ବନ ବିଭାଗର ରାତି ଅଧିଆ କମ୍ବିଂ ଅପରେସନରେ ୬ ଶିକାରୀ ଗିରଫ ସହ ୬ ବନ୍ଧୁକ ଜବତ ହୋଇଛି। କୁଲଡିହା ବନ ବିଭାଗ, ଶିମିଳିପାଳ ଟାଇଗର ପ୍ରୋଟେକ୍ସନ ଫୋର୍ସ ଓ ନୀଳଗିରି ପୁଲିସ ପକ୍ଷରୁ ମିଳିତ ଚଢାଉ କରାଯାଇଥିଲା। ବିଳମ୍ବିତ ରାତିରେ ଚଢାଉ କରାଯାଇ ବାହାବନ୍ଧ ନିକଟ ଡେଉଁଚଖାଲ ଅଂଚଳରୁ ୬ଜଣ ଶିକାରୀଙ୍କୁ ଗିରଫ କରାଯାଇଛି। ସେମାନଙ୍କ ଠାରୁ ୬ଟି ଦେଶୀ ବନ୍ଧୁକ ସହ ହରିଣ ସଂଘ ଜବତ କରାଯାଇଛି। ୩/୪ ଦିନ ପୂର୍ବରୁ ଶିକାରୀ ଗୁଳିରେ ଜଣେ ବନ କର୍ମଚାରୀ ଗୁରୁତର ହେବା ପରେ ପୁଲିସ ଓ ବନ ବିଭାଗ ଆକ୍ସନ ମୋଡରେ ରହିଥିଲେ।
