ସାନିଟାଇଜର ପିଇବା ହେଲା କାଳ; ୪ ମୃତ

ନୂଆଦିଲ୍ଲୀ: ଆଲକହଲ ଯୁକ୍ତ ହ୍ୟାଣ୍ଡ ସାନିଟାଇଜର ବ୍ୟବହାର କରିବା ସ୍ୱାସ୍ଥ୍ୟ ପକ୍ଷେ ହିତକର। କିନ୍ତୁ, ଏହାକୁ ସେବନ କରିବା ପଡ଼ିଛି ମହଙ୍ଗା। ଆଲକହଲ ଯୁକ୍ତ ସାନିଟାଇଜର ସେବନ କରିବା ଦ୍ୱାରା ୪ ଜଣଙ୍କର ମୃତ୍ୟୁ ଘଟିଛି। ଆମେରିକାର ଏରିଜୋନୋ ଓ ନ୍ୟୁ ମାକ୍ସିକୋରେ କିଛି ଯୁବକଙ୍କ ଶରୀରରେ ଏହି ସାନିଟାଇଜର ବିଷ ଭଳି ଖେଳିଯାଇଥିଲା। ଏହି ଘଟଣାରେ ୪ ଜଣଙ୍କର ମୃତ୍ୟୁ ଘଟିଥିବା ବେଳେ ଅନ୍ୟ ତିନି ଜଣ ନିଜର ଦୃଷ୍ଟିଶକ୍ତି ହରାଇ ବସିଛନ୍ତି।
ସୂଚନା ଅନୁସାରେ ଏହି ସାନିଟାଇଜରରେ ମେଥେନାଲ ଓ ବ୍ରୁଡ ଆଲକହଲ ରହିଥିଲା। ଅନୁମତି ପ୍ରାପ୍ତ ସାନିଟାଇଜରରେ ଭାଇରସକୁ ମାରିବା ପାଇଁ ମୁଖ୍ୟ ରୂପେ ଇଥାଇଲ ଆଲକହଲର ବ୍ୟବହାର କରାଯାଇଥାଏ। କିନ୍ତୁ କିନ୍ତୁ କମ୍ପାନୀ ଏହା ବଦଳରେ ବିଷାକ୍ତ ମେଥେନାଲର ବ୍ୟବହାର କରୁଛନ୍ତି।