15 ଦିନ ବନ୍ଦ ରହିବ ବ୍ୟାଙ୍କ୍, ଏହା ପୂର୍ବରୁ ଶେଷ କରି ନିଅନ୍ତୁ ସମସ୍ତ ଜରୁରୀ କାର୍ଯ୍ୟ

ଆରମ୍ଭ ହେବାକୁ ଯାଉଛି ପାର୍ବଣର ମାସ ଅକ୍ଟୋବର ମାସ | ଏହି ମାସରେ ସମଗ୍ର ଦେଶରେ ନବରାତ୍ରୀ ଏବଂ ଦଶହରା ପର୍ବ ପାଳନ କରାଯିବ। ଏହି କାରଣରୁ ସରକାରୀ ଛୁଟି ମଧ୍ୟ ଅଧିକ ରହିବ | ଛୁଟିଦିନର ସମ୍ପୂର୍ଣ୍ଣ ତାଲିକା ପ୍ରକାଶ ପାଇବା ପରେ ଏହା ସ୍ପଷ୍ଟ ହୋଇଛି ଚଳିତ ବର୍ଷ ଅକ୍ଟୋବର ମାସରେ ବ୍ୟାଙ୍କଗୁଡିକ ପନ୍ଦର ଦିନ ପାଇଁ ବନ୍ଦ ରହିବ | ଯେଉଁମାନେ କ୍ରମାଗତ ଭାବରେ ବ୍ୟାଙ୍କରେ କାର୍ଯ୍ୟ କରୁଛନ୍ତି କିମ୍ୱା ଯେଉଁ ଗ୍ରାହକ ମାନେ ବ୍ୟାଙ୍କ ଉପରେ ନିର୍ଭର ରୁହନ୍ତି ସେମାନେ ନିଶ୍ଚୟ ଜାଣି ରଖିବା ଉଚିତ୍ କେଉଁ ଦିନ ବ୍ୟାଙ୍କ ବନ୍ଦ ରହିବ, ତାହା ଜାଣିବା ଅତ୍ୟନ୍ତ ଜରୁରୀ ଅଟେ । ତଥାପି, ବ୍ୟାଙ୍କଗୁଡିକ ଦ୍ୱାରା ଏସବୁ ଜରୁରୀକାଳୀନ କାର୍ଯ୍ୟ ଯେଭଳି ପ୍ରଭାବିତ ନ ହୁଏ ସେନେଇ ଏଟିଏମ୍ ଏବଂ ଅନ୍ୟାନ୍ୟ ସେବା ପ୍ରଦାନ କରାଯିବ |

ତେବେ ଆସନ୍ତୁ ନଜର ପକାଇବା କେଉଁ କେଉଁ ଦିନ ବନ୍ଦ ରହିବ ବ୍ୟାଙ୍କ –

02 ଅକ୍ଟୋବର (ଶୁକ୍ରବାର) ମହାତ୍ମା ଗାନ୍ଧୀ ଜୟନ୍ତୀ ଗେଜେଟେଡ୍ ଛୁଟିଦିନ |

ଅକ୍ଟୋବର 4 (ରବିବାର) ସାପ୍ତାହିକ ଛୁଟି |

08 ଅକ୍ଟୋବର (ଗୁରୁବାର) ଚେହଲମ୍ ( କିଛି ଅଞ୍ଚଳରେ ସ୍ଥାନୀୟ ଛୁଟି )

10 ଅକ୍ଟୋବର (ଶନିବାର) ଦ୍ୱିତୀୟ ଶନିବାର |

11 ଅକ୍ଟୋବର (ରବିବାର) ସାପ୍ତାହିକ ଛୁଟି |

17 ଅକ୍ଟୋବର (ଶନିବାର) କାଟି ବିହୁ (କିଛି ଅଞ୍ଚଳରେ ସ୍ଥାନୀୟ ଛୁଟି)

18 ଅକ୍ଟୋବର (ରବିବାର) ସାପ୍ତାହିକ ଛୁଟି |

23 ଅକ୍ଟୋବର (ଶୁକ୍ରବାର) ଦୁର୍ଗା ପୂଜା / ମହାସପ୍ତମୀ |

24 ଅକ୍ଟୋବର (ଶନିବାର) ମହାଅଷ୍ଟମୀ ଛୁଟି |

25 ଅକ୍ଟୋବର (ରବିବାର) ସାପ୍ତାହିକ ଛୁଟି, ମହାନବମୀ ଛୁଟି |

26 ଅକ୍ଟୋବର (ସୋମବାର) ଦୁର୍ଗା ପୂଜା, ବିଜୟାଦଶମୀ |

29 ଅକ୍ଟୋବର (ଗୁରୁବାର) ମହମ୍ମଦ ଜୟନ୍ତୀ |

30 ଅକ୍ଟୋବର (ଶୁକ୍ରବାର) ଇଦ୍-ଇ-ମିଲାଦ |

ଏହି ଛୁଟିଗୁଡିକ ମଧ୍ୟରୁ କେତେକ ସ୍ଥାନୀୟ ଭାବରେ ମଧ୍ୟ ସ୍ଥିର ହେବ | ପର୍ବ ଏବଂ ଜାତୀୟ ଛୁଟି ବ୍ୟତୀତ ଦ୍ୱିତୀୟ ଏବଂ ଚତୁର୍ଥ ଶନିବାର ଏବଂ ରବିବାର ଦିନ ଏସବିଆଇ, ପଞ୍ଜାବ ନ୍ୟାସନାଲ ବ୍ୟାଙ୍କ, ଆକ୍ସିସ୍ ବ୍ୟାଙ୍କ ଏବଂ ଆଇସିଆଇସିଆଇ ବ୍ୟାଙ୍କ ସମେତ ପ୍ରତ୍ୟେକ ବ୍ୟାଙ୍କରେ ଛୁଟି ଘୋଷଣା କରାଯାଇଥାଏ । ଏବଂ ଆଉ କିଛି ଛୁଟି ସ୍ଥାନୀୟ ଅଞ୍ଚଳରେ ପାଳିତ ହେଉଥିବା ପର୍ବପର୍ବାଣୀକୁ ଦୃଷ୍ଟିରେ ରଖି ନିର୍ଦ୍ଧାର୍ଯ୍ୟ କରାଯିବ ବୋଲି ଜଣାପଡିଛି ।