Breaking PLUSଦେଶ ବିଦେଶମୁଖ୍ୟ ଖବର

ଭାରତ ଉପରେ ବଢୁଛି ସମଗ୍ର ବିଶ୍ୱବାସୀଙ୍କ ବିଶ୍ୱାସ – ପ୍ରଧାନମନ୍ତ୍ରୀ ମୋଦୀ

ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଜି ଫେଡେରେସନ୍ ଅଫ୍ ଇଣ୍ଡିଆନ୍ ବାଣିଜ୍ୟ ଏବଂ ଶିଳ୍ପ ବାର୍ଷିକ ସମ୍ମିଳନୀ (FICCI)ର 93ତମ ବାର୍ଷିକ ସାଧାରଣ ସଭା (ଏଜିଏମ୍) ର ଉଦଘାଟନ କରିଛନ୍ତି। ଏହି କାର୍ଯ୍ୟକ୍ରମ ଡିଜିଟାଲ୍ ପ୍ଲାଟଫର୍ମରେ କରାଯାଉଛି। ଏହି ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କହିଛନ୍ତି ଯେ, ଟି-ଟ୍ୱେଣ୍ଟିର ମ୍ୟାଚରେ ଆମେ ଅନେକ ଥର ପରିସ୍ଥିତି ବଦଳିଥିବାର ଦେଖିଛୁ

ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଜି ଫେଡେରେସନ୍ ଅଫ୍ ଇଣ୍ଡିଆନ୍ ବାଣିଜ୍ୟ ଏବଂ ଶିଳ୍ପ ବାର୍ଷିକ ସମ୍ମିଳନୀ (FICCI)ର 93ତମ ବାର୍ଷିକ ସାଧାରଣ ସଭା (ଏଜିଏମ୍) ର ଉଦଘାଟନ କରିଛନ୍ତି। ଏହି କାର୍ଯ୍ୟକ୍ରମ ଡିଜିଟାଲ୍ ପ୍ଲାଟଫର୍ମରେ କରାଯାଉଛି। ଏହି ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କହିଛନ୍ତି ଯେ, ଟି-ଟ୍ୱେଣ୍ଟିର ମ୍ୟାଚରେ ଆମେ ଅନେକ ଥର ପରିସ୍ଥିତି ବଦଳିଥିବାର ଦେଖିଛୁ। 2020 ବର୍ଷ ସମସ୍ତଙ୍କୁ ପଛରେ ପକାଇ ଦେଇଛି। ଏହି ବର୍ଷ ଆମ ଦେଶ ଏବଂ ସମଗ୍ର ବିଶ୍ୱରେ ଉତଥାନପତନ ଦେଖିବକୁ ମିଳିଛି। ସବୁଠୁ ଭଲ କଥା ହେଉଛି ଯେ କରୋନା କାରଣରୁ ପରିସ୍ଥିତି ଯେତେ ଶୀଘ୍ର ଖରାପ ହୋଇଥିଲା ଏବେ ସେତେ ଶୀଘ୍ର ଏଥିରେ ପରିବର୍ତ୍ତନ ଆସୁଛି।

ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଶିଳ୍ପପତିମାନଙ୍କୁ ସମ୍ବୋଧିତ କରିବାବେଳେ କହିଛନ୍ତି ଯେ, ମହାମାରୀ ସମୟରେ ଭାରତ ନାଗରିକଙ୍କ ଜୀବନକୁ ଅଧିକ ପ୍ରାଧାନ୍ୟ ଦେଇଛି। କରୋନା ଅବଧି ସମୟରେ ଭାରତ ଯେଉଁ ନିଷ୍ପତ୍ତି ନେଇଛି ତାହା ଦେଖି ସମଗ୍ର ବିଶ୍ୱ ଆଶ୍ଚର୍ଯ୍ୟ ହୋଇଯାଉଛି। କୃଷି ବିଲକୁ ନେଇ ଆନ୍ଦୋଳନ ଜାରି ରହିଥିବା ବେଳେ ପ୍ରଧାନମନ୍ତ୍ରୀ ମଧ୍ୟ ଏହି ପ୍ରସଙ୍ଗରେ ଆଲୋଚନା କରିଛନ୍ତି। କୃଷି ସଂସ୍କାର ବିଷୟରେ କହିଛନ୍ତି ଯେ, କୃଷକମାନେ ନୂତନ କୃଷି ସଂସ୍କାର ଆଇନ ଦ୍ୱାରା ଉପକୃତ ହେବେ। କୃଷି ସହ ଜଡିତ ସମସ୍ତ ଜିନିଷରୁ ରୋକ ହଟାଯାଉଛି। ନୂତନ କୃଷି ନିୟମ କୃଷକମାନଙ୍କୁ ନୂତନ ବଜାର ଯୋଗାଇବ। ନୂତନ କୃଷି ନିୟମ କୃଷକଙ୍କ ଆୟ ବୃଦ୍ଧି କରିବ। କୃଷକମାନେ କୃଷିରେ ବିନିଯୋଗ କରି ବହୁ ଉପକୃତ ହେବେ, ସେମାନେ ନୂତନ ବିକଳ୍ପ, ନୂତନ ବଜାର ପାଇବେ।

ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କହିଛନ୍ତି ଯେ, ଗତ 6 ବର୍ଷ ମଧ୍ୟରେ ବିଶ୍ୱ ଭାରତ ଉପରେ ଅତ୍ୟଧିକ ବିଶ୍ୱାସ ପ୍ରଦର୍ଶନ କରିଛି। ଏହି ବିଶ୍ୱାସ ଗତ 6 ମାସ ମଧ୍ୟରେ ଅଧିକ ଶକ୍ତିଶାଳୀ ହୋଇଛି। ଏହା ଏଫଡିଆଇ କିମ୍ବା ଏଫପିଆଇ ହେଉ, ବିଦେଶୀ ନିବେଶକମାନେ ଭାରତରେ ରେକର୍ଡ ନିବେଶ କରିଛନ୍ତି ଏବଂ ଆଗକୁ ମଧ୍ୟ କରିବେ।

Tags
Show More

Related Articles

Back to top button
Close