ଏୟାର ଇଣ୍ଡିଆ ବିମାନ ୟୁକ୍ରେନ ଆସୁଥିବା ଅଭିମୁଖେ ଅଧାରୁ ଫେରିଗଲା ଦିଲ୍ଲୀକୁ

ରୁଷ ଓ ୟୁକ୍ରେନ ମଧ୍ୟରେ ବିବାଦ ଆରମ୍ଭ ହେବା ଦିନଠାରୁ ଭାରତ ସରକାର ସେଠାରେ ରହୁଥିବା ଭାରତୀୟ ନାଗରିକ ଓ ଶିକ୍ଷାର୍ଥୀଙ୍କୁ ତୁରନ୍ତ ସ୍ୱଦେଶକୁ ଫେରି ଆସିବାକୁ ପରାମର୍ଶ ଦେଇ ଚାଲିଛନ୍ତି। ଏପରି କି ଦୁଇଟି ଦଫାରେ ଭାରତ ସରକାର ଶତାଧିକ ଭାରତୀୟଙ୍କୁ ସ୍ୱତନ୍ତ୍ର ବିମାନରେ ଦିଲ୍ଲୀ ମଧ୍ୟ ଆଣିଥିଲେ। ପ୍ରଥମ ଦଫାରେ ୨୪୨ ଜଣ ଓ କାଲି ରାତିରେ ଆଉ ୧୮୨ ଜଣ ଭାରତୀୟ ଦିଲ୍ଲୀ ଫେରିଛନ୍ତି। ଦିଲ୍ଲୀ ଫେରିବା ପରେ ସେମାନଙ୍କୁ ନିଜ ନିଜ ରାଜ୍ୟକୁ ପଠାଇ  ଦିଆଯାଇଛି । ରୁଷ୍‌ ଓ ୟୁକ୍ରେନ୍‌ ଯୁଦ୍ଧ ଲାଗିବା ଆଶଙ୍କାରେ ସ୍ୱଦେଶ ଫେରିଆସିବା ଲାଗି ଓଡ଼ିଆଙ୍କ ସମେତ ହଜାର ହଜାର ଭାରତୀୟ ୟୁକ୍ରେନ୍ ବିମାନ ବନ୍ଦରରେ ଅପେକ୍ଷାରେ ଅଛନ୍ତି। । ଘରେ ପିତାମାତା ଓ ଅଭିଭାବକ ସେମାନଙ୍କ ଫେରିବା ପଥକୁ ଚାହିଁ ବସିଛନ୍ତି।