ସିଡନୀ : ଟି-୨୦ ବିଶ୍ୱକପ୍ରେ ଭାରତ ଦ୍ୱିତୀୟ ବିଜୟ ହାସଲ କରିଛି। ଗୁରୁବାର ଭାରତ ନେଦରଲାଣ୍ଡ୍ସକୁ ୫୬ ରନ୍ରେ ପରାସ୍ତ କରିଛି। ଟସ ଜିତି ପ୍ରଥମେ ବ୍ୟାଟିଂ ଭାରତୀୟ ଦଳ ରୋହିତ ଶର୍ମା, ବିରାଟ କୋହଲି ଏବଂ ପରେ ସୂର୍ଯ୍ୟକୁମାରଙ୍କ ଅର୍ଦ୍ଧଶତକ ସହାୟତାରେ ୨୦ ଓଭରରେ ୧୭୯ ରନ କରିଥିଲା। ଏହାର ଜବାବରେ ନେଦରଲାଣ୍ଡ୍ସର ଦଳ ନିର୍ଦ୍ଧାରିତ ଓଭରରେ ୯ ଉଇକେଟ୍ ହରାଇ ୧୨୩ ରନ୍ କରିପାରିଥିଲା। ଭାରତ ପକ୍ଷରୁ ଭୁବନେଶ୍ୱର କୁମାର, ଆର ଅଶ୍ୱିନ ଏବଂ ଅକ୍ଷର ପଟେଲ ୨ଟି ଲେଖାଏଁ ଉଇକେଟ୍ ହରାଇଥିଲା। ଟସ ଜିତି ପ୍ରଥମେ ବ୍ୟାଟିଂ କରି ଟିମ୍ ଇଣ୍ଡିଆର ଭଲ ଆରମ୍ଭ ହୋଇ ନ ଥିଲା। ଉପ-ଅଧିନାୟକ କେ.ଏଲ ରାହୁଲ ତୃତୀୟ ଓଭରରେ ମାତ୍ର ୯ ରନ ସ୍କୋର କରି ପାଭିଲିୟନକୁ ଫେରିଥିଲେ। ଏହି ସମୟ ମଧ୍ୟରେ ରୋହିତ ଏବଂ କୋହଲିଙ୍କ ମଧ୍ୟରେ ଅର୍ଦ୍ଧଶତକୀୟ ଭାଗିଦାରୀ ହୋଇଥିଲା।ରୋହିତ ୩୫ ବଲରୁ ୨୯ ତମ ଅର୍ଦ୍ଧଶତକ ହାସଲ କରିଥିଲେ, କିନ୍ତୁ ସେ ୫୩ ରନ ସ୍କୋର କରି କ୍ଲାସେନଙ୍କ ଶିକାର ହୋଇଥିଲେ। ଏହା ପରେ କୋହଲିଙ୍କୁ ସମର୍ଥନ କରିବାକୁ ଆସିଥିବା ସୂର୍ଯ୍ୟକୁମାର ଯାଦବ ଦଳକୁ ଏକ ବଡ଼ ସ୍କୋରକୁ ନେବା ପାଇଁ ଚେଷ୍ଟା କରିଥିଲେ। ଉଭୟଙ୍କ ମଧ୍ୟରେ ୯୫ ରନର ଭାଗିଦାରୀ ହୋଇଥିଲା। ବିରାଟ କୋହଲି ୩୭ ବଲରେ ଅର୍ଦ୍ଧଶତକ ହାସଲ କରିଥିଲେ। ଏହି ଇନିଂସ ଆଧାରରେ ସେ ଟି-୨୦ ବିଶ୍ୱକପରେ ସର୍ବାଧିକ ରନ ସ୍କୋରର ତାଲିକାରେ କ୍ରିସ ଗେଲଙ୍କୁ ପଛରେ ପକାଇ ଦ୍ୱିତୀୟ ସ୍ଥାନରେ ପହଞ୍ଚିଛନ୍ତି। ଇନିଂସର ଶେଷ ବଲରେ ସୂର୍ଯ୍ୟକୁମାର ଯାଦବ ଗୋଟିଏ ଛକା ମାରି ୨୫ ବଲରେ ୫୧ ରନ ସଂଗ୍ରହ କରିଥିଲେ।
