Breaking PLUSଦେଶ ବିଦେଶମୁଖ୍ୟ ଖବର

ଉତ୍ତରାଖଣ୍ଡ ଜଳ ପ୍ରଳୟ : ବର୍ତମାନସୁଦ୍ଧା ୧୪ ମୃତଦେହ ଉଦ୍ଧାର, ୧୫୦ରୁ ଅଧିକ ନିଖୋଜ

ଉତ୍ତରାଖଣ୍ଡର ଚମୋଲୀରେ ଗ୍ଲାସିୟର ଭାଙ୍ଗିଯିବା କାରଣରୁ ଭୀଷଣ ବନ୍ୟା ଆସିଛି। ବନ୍ୟାରେ ୧୫୦ ଜଣ ନିଖୋଜ ଅଛନ୍ତି। ଏବେସୁଦ୍ଧା ୧୪ ଜଣଙ୍କ ମୃତଦେହ ଉଦ୍ଧାର ହୋଇଛି। ଏହା ଫଳରେ ବିଦ୍ୟୁତ ପ୍ରକଳ୍ପ ପ୍ଲାଣ୍ଚରୁ ଆରମ୍ଭ କରି ଚମୋଲୀ ଜିଲ୍ଲାରେ ବ୍ୟାପକ କ୍ଷୟକ୍ଷତି ହୋଇଛି । ଘର ଦ୍ୱାର ସବୁ ଭାଙ୍ଗିରୁଜି ଯିବା ସହ ସୂଅରେ ଭାସି ଯାଇଛି ।

ଉତ୍ତରାଖଣ୍ଡର ଚମୋଲୀରେ ଗ୍ଲାସିୟର ଭାଙ୍ଗିଯିବା କାରଣରୁ ଭୀଷଣ ବନ୍ୟା ଆସିଛି। ବନ୍ୟାରେ ୧୫୦ ଜଣ ନିଖୋଜ ଅଛନ୍ତି। ଏବେସୁଦ୍ଧା ୧୪ ଜଣଙ୍କ ମୃତଦେହ ଉଦ୍ଧାର ହୋଇଛି। ଏହା ଫଳରେ ବିଦ୍ୟୁତ ପ୍ରକଳ୍ପ ପ୍ଲାଣ୍ଚରୁ ଆରମ୍ଭ କରି ଚମୋଲୀ ଜିଲ୍ଲାରେ ବ୍ୟାପକ କ୍ଷୟକ୍ଷତି ହୋଇଛି । ଘର ଦ୍ୱାର ସବୁ ଭାଙ୍ଗିରୁଜି ଯିବା ସହ ସୂଅରେ ଭାସି ଯାଇଛି ।

ସ୍ଥାନୀୟ ପ୍ରଶାସନ ସହ ରାଜ୍ୟ ଓ କେନ୍ଦ୍ର ସରକାର ମିଳିତ ଭାବେ ଉଦ୍ଧାର କାର୍ଯ୍ୟ ଚଳାଇଛନ୍ତି । ଏଥିପାଇଁ ଭାରତୀୟ ବାୟୁସେନା ଓ ଏନଡିଆରଏଫ ଟିମକୁ ନିୟୋଜିତ କରାଯାଇଛି । ଗଙ୍ଗା ନଦୀ କୂଳରେ ଥିବା ଜନବସତି ଖାଲି କରାଯାଉଛି। ଲୋକଙ୍କୁ ସୁରକ୍ଷିତ ସ୍ଥାନକୁ ସ୍ଥାନାନ୍ତର କରାଯାଉଛି।

ଉପର ମୁଣ୍ଡରୁ ଆସିଥିବା କାଦୁଅ ପାଇଁ ତପୋବନ ଏନଟିପିସି ପ୍ରକଳ୍ପରେ ବ୍ୟାପକ କ୍ଷତି ଘଟିଛି । ଏହି ପ୍ରକଳ୍ପର ସୁଡଙ୍ଗରେ ଅନେକ ଫସି ରହିଥିଲେ । ତେବେ ଫସିଥିବା ସମସ୍ତ ୧୬ ଜଣଙ୍କୁ ଉଦ୍ଧାରକାରୀ ଦଳ ସକୁଶଳ ଉଦ୍ଧାର କରାଯାଇଥିଲା। ଆଇଟିବିପି ଏବଂ ଏସଡିଆରଏଫର ଯବାନଙ୍କୁ ଏହି ଟନେଲରେ ଫସିଥିବା ଲୋକଙ୍କୁ କାଢିବାରେ ସଫଳ ହୋଇଥିଲେ । କିନ୍ତୁ ଆଉ ଏକ ସୁଡଙ୍ଗରେ ଅନେକ ଲୋକ ଫଶି ରହିଥିବା ଆଶଙ୍କା କରାଯାଉଛି। ଏହି ଟନେଲ୍‌ ବଡ ଥିବା କୁହାଯାଉଛି। ଏଥିରେ କେତେ ଜଣ ଲୋକ ଫସି ରହିଛନ୍ତି ତାହା ସକାଳେ ଭିତରକୁ ଗଲେ ହିଁ ଜଣା ପଡିବ ବୋଲି ପ୍ରଶାସନ ପକ୍ଷରୁ କୁହାଯାଇଛି। ଅନ୍ୟପଟେ ନିଖୋଜ ଶତାଧିକ ଲୋକଙ୍କ ସନ୍ଧାନ ମିଳି ପାରିନାହିଁ।

ସୂଚନାଯୋଗ୍ୟ, ରାଣୀ ଗାଁରେ ଗ୍ଲାସିୟର ଭାଙ୍ଗିବା ପରେ ନିମ୍ନ ଅଞ୍ଚଳରେ ରବିବାର ସକାଳେ କରାଳ ବେଗରେ ପାଣି ମାଡି ଆସିଥିଲା। ସର୍ବପ୍ରଥମେ ତପୋବନ ସ୍ଥିତ ଏନଟିପିସି ପାଓ୍ଵାର ପ୍ରୋଜେକ୍ଟ ଉପରେ ପ୍ରଳୟଙ୍କର ଭାବେ ପାଣି ବହିଥିଲା। ଅଚାନକ ପାଣି ମାଡି ଆସିବାରୁ ଲୋକଙ୍କୁ ସମ୍ଭାଳିବାକୁ ସୁଯୋଗ ମିଳିନଥିଲା।

ରିପୋର୍ଟ ଅନୁଯାୟୀ ରବିବାର ଏନଟିପିସିର ଏହି ପ୍ରୋଜେକ୍ଟରେ ପ୍ରାୟ ୧୨୦ ଜଣ କାମ କରୁଥିଲେ। ଏହା ବ୍ୟତୀତ ଅନ୍ୟ ଲୋକ ମଧ୍ୟ ଏଠାରେ କାମ କରୁଥିଲେ। ହେଲେ ନିମିଷକ ମଧ୍ୟରେ ସମସ୍ତେ ପାଣିରେ ଭାସି ନିଖୋଜ ହୋଇ ଯାଇଛନ୍ତି। ଏଥି ମଧ୍ୟରୁ ୧୬ ଜଣ ଫସି ଯାଇଥିଲେ। ଫସି ରହିଥିବା ଶ୍ରମିକଙ୍କୁ ସୁରକ୍ଷିତ ଉଦ୍ଧାର କରାଯାଇଛି।

Show More

Related Articles

Back to top button