ରାଜକୁମାର ରାଓ ଏବଂ ପତ୍ରଲେଖା ବିବାହ ବନ୍ଧନରେ ବାନ୍ଧି ହୋଇଛନ୍ତି। ନଭେମ୍ବର ୧୫ ରେ, ଉଭୟ ବିବାହ କରିଛନ୍ତି। ରାଜକୁମାର ଏବଂ ପତ୍ରଲେଖା ନିଜ ଇନଷ୍ଟାଗ୍ରାମ ପେଜରେ ବିବାହର ଅନେକ ଫଟୋ ସେୟାର କରିଛନ୍ତି। ବିବାହର ସମସ୍ତ ରୀତିନୀତି ଦିନରେ କରାଯାଇଥିଲା। ରାତିରେ ଏକ ଗ୍ରାଣ୍ଡ ରିସେପ୍ସନ୍ ପାର୍ଟିର ଆୟୋଜନ କରାଯାଇଥିଲା ଯେଉଁଥିରେ ହରିୟାଣା ମୁଖ୍ୟମନ୍ତ୍ରୀ ମନୋହର ଲାଲ ଖଟ୍ଟର ଯୋଗ ଦେଇଥିଲେ। ମୁଖ୍ୟମନ୍ତ୍ରୀ ଖଟ୍ଟର ନବ ବିବାହିତ ଦମ୍ପତିଙ୍କୁ ସେମାନଙ୍କର ଦାମ୍ପତ୍ୟ ଜୀବନ ପାଇଁ ଶୁଭେଚ୍ଛା ଜଣାଇଥିଲେ।
ସେ ରାଜକୁମାର ଏବଂ ପତ୍ରଲେଖାଙ୍କ ସହ ଟ୍ୱିଟରରେ ଏକ ଫଟୋ ସେୟାର କରିଛନ୍ତି। ଏହି ଦମ୍ପତିଙ୍କୁ ଅଭିନନ୍ଦନ ଜଣାଇ ମୁଖ୍ୟମନ୍ତ୍ରୀ ଲେଖିଛନ୍ତି- ‘ଚଣ୍ଡିଗଡ଼ର ବଲିଉଡର ପ୍ରସିଦ୍ଧ ଅଭିନେତା ରାଜକୁମାର ରାଓ ଏବଂ ପତ୍ରଲେଖାଙ୍କ ବିବାହ ଉତ୍ସବରେ ଯୋଗ ଦେଇ ବର-ବଧୁଙ୍କୁ ଆଶୀର୍ବାଦ ଏବଂ ସଫଳ ବିବାହିତ ଜୀବନ ପାଇଁ ଶୁଭକାମନା ଦେଇଛି।’ ରିସେପ୍ସନରେ ପତ୍ରଲେଖା ଏକ ଗୋଲ୍ଡେନ୍ କଲର୍ ସାଢୀରେ ନଜର ଆସିଥିଲେ। ସେ ବେକରେ ଭାରି ଅଳଙ୍କାର ପିନ୍ଧି ହାଲୁକା ମେକଅପ୍ ନେଇଥିଲେ। ସେ ହେୟାର ବନ୍ ସହିତ ନିଜର ଲୁକକୁ କମ୍ପ୍ଲିଟ୍ କରିଥିଲେ। ସେହିପରି ରାଜକୁମାର ହ୍ୱାଇଟ୍ ସାର୍ଟ ସହିତ ବ୍ଲାକ୍ ସୁଟ୍-ବୁଟ୍ରେ ନଜର ଆସିଥିଲେ।