ରବିବାର ଭୋର ସମୟରେ ନେପାଳର କାଠମାଣ୍ଡୁ ସମେତ ଅଧିକାଂଶ ଇଲାକାରେ ତୀବ୍ର ଭୂମିକମ୍ପ ହୋଇଛି । ନ୍ୟାସନାଲ ସେଣ୍ଟର ଫର ସିସ୍ମୋଲୋଜି ଅନୁଯାୟୀ, ଭୂକମ୍ପର ତୀବ୍ରତା ରିକ୍ଟର ସ୍କେଲରେ ୫.୫ ରହିଛି ।ଭୂମିକମ୍ପର କେନ୍ଦ୍ର ନେପାଳର ରାଜଧାନୀ କାଠମାଣ୍ଡୁର ଦକ୍ଷିଣ-ପୂର୍ବରେ ୧୪୭ କିଲୋମିଟର ଦୂରରେ ସୃଷ୍ଟି ହୋଇଥିବା ସୂଚନାମିଳିଛି । ଏଯାଏଁ କ୍ଷୟକ୍ଷତିର କୌଣସି ସୂଚନା ମିଳିପାରିନାହିଁ । ସୂଚନା ଅନୁଯାୟୀ, ନେପାଳ ସୀମାବର୍ତ୍ତୀ ବିହାରର ମଧୁବନୀ, ସମସ୍ତିପୁର, ଅରରିୟା, କଟିହାର, ସୀତାମଢି ଆଦି ଅଞ୍ଚଳରେ ମଧ୍ୟ ଭୂମିକମ୍ପର ଝଟକା ଅନୁଭୂତ ହୋଇଛି । ସୂଚନା ଅନୁଯାୟୀ, ରବିବାର ସକାଳ ୭ଟା ୫୮ ରେ ନେପାଳ ସଂଲଗ୍ନ ବିହାରର ମଧୁବାନୀ, ସମସ୍ତିପୁର, ଆରାରିଆ, କାଟିହାର, ସୀତାମାରୀରେ ପୃଥିବୀ ଥରି ଉଠିଥିଲା। ଏସବୁ ଇଲାକାରେ ଭୂକମ୍ପର ତୀବ୍ରତା ରିକ୍ଟର ସ୍କେଲରେ ୪.୩ ରେ ମାପ କରାଯାଇଥିଲା ।
