ଆଗକୁ ଆସୁଛି ବଡଓଷା । ଏଥିପାଇଁ ଅନିର୍ଦ୍ଦିଷ୍ଟ କାଳ ପର୍ଯ୍ୟନ୍ତ ବନ୍ଦ ରହିବ ଧବଳେଶ୍ୱର ପୀଠ । ବଳବତ୍ତର ରହିବ ୧୪୪ ଧାରା । ସ୍ଥିତି ଅନୁଧ୍ୟାନ ପରେ ଏନେଇ ସୂଚନା ଦେଇଛନ୍ତି କଟକ ଜିଲ୍ଲାପାଳ ।
ଭକ୍ତଙ୍କ ଯାତାୟତ ପାଇଁ ଆଦୌ ସୁରକ୍ଷିତ ନୁହେଁ । ଝୁଲାପୋଲ ପାଇଁ ୧୪୪ ଧାରା ବଳବତ୍ତର ରହିବ ।’
ତେବେ ଆଗକୁ ଆସୁଛି ପବିତ୍ର କାର୍ତ୍ତିକ ପୂର୍ଣ୍ଣିମା । ଏଥିପାଇଁ ଆଠଗଡର ବାବା ଧବଳେଶ୍ୱର ପୀଠ ଖୁବ ଚଳଚଞ୍ଚଳ ହୋଇଥାଏ । ରାଜ୍ୟ ତଥା ରାଜ୍ୟ ବାହାରୁ ଅନେକ ଶ୍ରଦ୍ଧାଳୁ ଏଠାକୁ ବୁଲିବାକୁ ଆସିଥାନ୍ତି । କିନ୍ତୁ ଚଳିତବର୍ଷ ପୂର୍ଣ୍ଣମୀ ପୂର୍ବରୁ ଏଠାରେ ୧୪୪ ଧାରା ଲାଗୁ କରିଛି ପ୍ରଶାସନ । ଗୁଜୁରାଟର ଝୁଲାପୋଲ ଛିଡିବା ଘଟଣା ପରେ ଓଡିଶା ପ୍ରଶାସନର ଚେତା ପଶିଛି । ଏଥିପାଇଁ ଧବଳେଶ୍ୱରର ଝୁଲାପୋଲ ମରାମତି ନେଇ ଏଠାରେ ୧୪୪ ଧାରା ଜାରି ହୋଇଛି । ଝୁଲା ପୋଲର କ୍ଷମତା ଦିନକୁ ଦିନ କମିବାରେ ଲାଗୁଥିବାବେଳେ ଏହାର କିଛି ସ୍ଥାନରେ ଫାଟ ସୃଷ୍ଟି ହୋଇଛି। ଆଉ ଏସବୁକୁ ଦୃଷ୍ଟିରେ ରଖି ଧବଳେଶ୍ବର ପୀଠରେ ଅନିର୍ଦ୍ଧିଷ୍ଟକାଳ ପାଇଁ ୧୪୪ ଧାରା ଜାରି ସମେତ ଶ୍ରଦ୍ଧାଳୁଙ୍କୁ ବାରଣ କରାଯାଇଛି।
