ଉଠିଲା କଟକଣା ବିନା ପ୍ରମାଣପତ୍ରରେ ଶ୍ରୀମନ୍ଦିରରେ ପ୍ରବେଶ କରିବେ ଭକ୍ତ

ଆଜିଠାରୁ ଭକ୍ତମାନେ ବିନା ପ୍ରମାଣପତ୍ର ଓ ବିନା କୋଭିଡ୍ ଟୀକାକରଣରେ ପୁରୀ ଶ୍ରୀମନ୍ଦିରରେ ପ୍ରବେଶ କରିପାରିବେ । ଫେବୃଆରୀ ୧୪ ରେ ଶ୍ରୀ ଜଗନ୍ନାଥ ମନ୍ଦିର ପ୍ରଶାସନ ଦ୍ୱାରା ଏନେଇ ସୂଚନା ଦିଆଯାଇଥିଲା। ତେଣୁକରି ଆଜିଠାରୁ ମନ୍ଦିରରେ ପ୍ରବେଶ କରିବା ପାଇଁ ପରିଦର୍ଶକଙ୍କୁ ସେମାନଙ୍କର ଡବଲ୍-ଡୋଜ ଟୀକାକରଣ ପ୍ରମାଣପତ୍ର ପ୍ରସ୍ତୁତ କରିବାକୁ ପଡିବ ନାହିଁ, ଏପରିକି ଭକ୍ତମାନେ ମଧ୍ୟ ଆରଟି-ପିସିଆର ନେଗେଟିଭ୍ ରିପୋର୍ଟ ନ ଦେଖାଇ ମନ୍ଦିର ପ୍ରବେଶ କରିପାରିବେ । କିନ୍ତ ଶ୍ରୀମନ୍ଦିର ରେ ଭକ୍ତମାନେ ନିଶ୍ଚିତ ଭାବରେ ଦୂରତା ବଜାୟ ରଖିବେ ଏବଂ ମାସ୍କ ପିନ୍ଧିବେ କୋଭିଡ ନିୟମ ପାଳନ କରିବା  ଆବଶ୍ୟକ ବୋଲି କୁହାଯାଇଛି । ରାଜ୍ୟରେ ତୃତୀୟ ଲହର କରୋନା ସଂକ୍ରମଣକୁ ଦୃଷ୍ଟିରେ ରଖି ଶ୍ରୀମନ୍ଦିର ଭକ୍ତଙ୍କ ପାଇଁ ବନ୍ଦ ରଖଯାଇଥିଲା। ଫେବୃଆରୀ ୧ ରୁ ଭକ୍ତମାନଙ୍କ ପାଇଁ ପୁନର୍ବାର ଖୋଲାଯାଇଥିଲା । ବର୍ତ୍ତମାନ ଶ୍ରୀମନ୍ଦିର ସର୍ବସାଧାରଣ ଦର୍ଶନ ପାଇଁ ସକାଳ ୬ଟାରୁ ରାତି ୯ଟା ପର୍ଯ୍ୟନ୍ତ ମହାପ୍ରଭୁଙ୍କ ଦର୍ଶନ କରିପାରିବେ । ତେବେ ଶ୍ରିମନ୍ଦିର ପରିସରକୁ ସାନିଟାଇଜ୍ କରିବା ପାଇଁ ସମସ୍ତ ରବିବାର ଦିନ ସର୍ବସାଧାରଣ ଦର୍ଶନ ପାଇଁ ମନ୍ଦିର ବନ୍ଦ ରହିବ।