ଭୁବନେଶ୍ଵର: ମନ୍ତ୍ରୀ ମୁକେଶ ମହାଲିଙ୍ଗଙ୍କ ବିରୋଧରେ ସଂଗୀନ ଅଭିଯୋଗ ଆଣିଛି କଂଗ୍ରେସ। ଜାଲ୍ ଜାତି ପ୍ରମାଣପତ୍ର ଦେଇ ପାଠପଢିବାସହ ସରକାରୀ ଚାକିରି, ବିଧାୟକ ପଦ ଓ ଏବେ ମନ୍ତ୍ରୀ ପଦ ହାତେଇଥିବା ଅଭିଯୋଗ ଆଣିଛନ୍ତି କଂଗ୍ରେସ ନେତା ଅଭିଷେକ ମହାନନ୍ଦ। ଜାଲ ପ୍ରମାଣପତ୍ର ପ୍ରସଙ୍ଗରେ ମନ୍ତ୍ରୀ ମୁକେଶ ମହାଲିଙ୍ଗଙ୍କୁ ସମ୍ବଲପୁର ଆରଡିସି ସମନ କରିଥିଲେ, କିନ୍ତୁ ଦୁଃଖର କଥା ମନ୍ତ୍ରୀ ତାଙ୍କ ପକ୍ଷ ରଖିବାକୁ ସେଠାକୁ ଯାଇନାହାନ୍ତି, ଯାହାକି ଅତ୍ୟନ୍ତ ଜରୁରୀ ଥିଲା। ମନ୍ତ୍ରୀ ଆରଡିସି ସମନକୁ ଅବମାନନା କରିଛନ୍ତି ବୋଲି ସାମ୍ବାଦିକ ସମ୍ମିଳନୀ ଜରିଆରେ ସେ କହିଛନ୍ତି।
