ମାଷ୍ଟରକ୍ୟାଣ୍ଟିନରୁ ଅଜଣା ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର

ଭୁବନେଶ୍ୱର ମାଷ୍ଟରକ୍ୟାଣ୍ଟିନ୍ ବସଷ୍ଟାଣ୍ଡରୁ ଜଣେ ଯୁବକଙ୍କ ଝୁଲନ୍ତା ମୃତ ଦେହ ଉଦ୍ଧାର କରାଯାଇଛି । ତେବେ ଉକ୍ତ ଯୁବକଙ୍କ ପରିଚୟ ମିଳିନଥିବା ବେଳେ ପୋଲିସ୍ ମୃତଦେହକୁ ଉଦ୍ଧାର କରି ତଦନ୍ତ ଚଳାଇଛି । ଆଜି ବସଷ୍ଟାଣ୍ଡରେ ଲୋକ ଚଳପ୍ରଚଳ କରିବା ସମୟରେ ଝୁଲନ୍ତା ଅବସ୍ଥାରେ ମୃତ ଦେହକୁ ଦେଖିଥିଲେ । ଏହାପରେ ପୋଲିସ୍ କୁ ଖବର ଦେଇଥିଲେ । ପୋଲିସ୍ ସେଠାରେ ପହଞ୍ଚି ଝୁଲନ୍ତା ମୃତ ଦେହକୁ ତଳକୁ ଆଣିଥିଲା । ବର୍ତ୍ତମାନ ପୋଲିସ୍ ଆଖପାଖରେ ଥିବା ଲୋକମାନଙ୍କୁ ପଚରାଉଚରା କରୁଛି ଏବଂ କେଉଁ କାରଣରୁ ଯୁବକ ଜଣକ ଆତ୍ମହତ୍ୟା କଲେ ସେ ନେଇ ଖୋଳତାଡ଼ ଚଳାଇଛି । ତେବେ ଏହା ପଛରେ ପ୍ରେମ ସମ୍ପର୍କ ଥାଇପାରେ ବୋଲି ମଧ୍ୟ ସନ୍ଦେହ କରାଯାଉଛି ।