ଭୁବନେଶ୍ୱର: ବରିଷ୍ଠ ଆଇଏଏସ ଅଧିକାରୀ ବିଷ୍ଣୁପଦ ସେଠୀଙ୍କ ଘରେ ସିବିଆଇ ଚଢ଼ାଉ କରିଥିବା ସୂଚନା ମିଳିଛି। ସିବିଆଇର ୮ଜଣିଆ ଟିମ ବିଷ୍ଣୁପଦଙ୍କ ସରକାରୀ କ୍ୱାଟର୍ସରେ ପହଞ୍ଚି ଚଢ଼ାଉ ଜାରି ରଖିଛନ୍ତି। ବ୍ରିଜ ଆଣ୍ଡ ରୁଫ କମ୍ପାନୀ ଲିଙ୍କକୁ ନେଇ ସିବିଆଇ ଖୋଳତାଡ଼ କରୁଛି। ବିଷ୍ଣୁପଦ ସେଠୀଙ୍କ ଘରେ ସିବିଆଇ ପହଞ୍ଚିବା ପରେ ସିବିଆଇର ୮ଜଣିଆ ଟିମ ସହିତ କଥା କଟାକଟି ହୋଇଥିଲା। ଏପରିକି ସିବିଆଇ ଅଧିକାରୀଙ୍କୁ ବିଷ୍ଣୁପଦ ସେଠୀ ଠିକ ଭାବେ ବ୍ୟବହାର କରିନଥିବା ଅଭିଯୋଗ ହୋଇଛି। ପରବର୍ତ୍ତି ସମୟରେ ବିଷ୍ଣୁପଦ ସେଠୀଙ୍କ ସହିତ ସିବିଆଇର ୮ ଜଣିଆ ଟିମ ଆଲୋଚନା କରିଥିଲେ ଏବଂ ଚଢ଼ାଉ ପାଇଁ କ୍ୱାର୍ଟର୍ସରେ ଭିତରକୁ ପ୍ରବେଶ କରିଥିଲେ।
