ସରକାର ଦେଲେ ଅନୁମତି : ଆସନ୍ତା ୧୪ ରୁ ଖୋଲିବ ସମସ୍ତ ପ୍ଲେ ସ୍କୁଲ୍

ରାଜ୍ୟରେ କରୋନା ମହାମାରୀ କାରଣରୁ ଦୀର୍ଘ ଦୁଇବର୍ଷରୁ ଅଧିକ ସମୟ ଧରି ପ୍ଲେ ସ୍କୁଲ୍ ବନ୍ଦ ରହିଥିଲା । କରୋନା ଗ୍ରାଫ୍ ରେ କ୍ରମଶଃ ହ୍ରାସ ଯୋଗୁଁ ବର୍ତ୍ତମାନ ସ୍ଥିତିକୁ ନିୟନ୍ତ୍ରଣରେ ରଖି ଆସନ୍ତା ୧୪ରୁ ସମସ୍ତ ପ୍ଲେ ସ୍କୁଲ ଏବଂ କେଜି ଶ୍ରେଣୀ ଖୋଲିବ ବୋଲି ସରକାର ଅନୁମତି ଦେଇଛନ୍ତି ।

ଏହା ବ୍ୟାତୀତ ସମସ୍ତ ଅନୁଷ୍ଠାନର ଶିକ୍ଷକ ଏବଂ ଶିକ୍ଷୟତ୍ରୀଙ୍କ ସହ ଅନ୍ୟାନ କର୍ମଚାରୀ ମଧ୍ୟ  ଟିକା ନେଇଥିବା ବାଧ୍ୟତାମୂଳକ ରଖାଯାଇଛି । ଶିକ୍ଷକ, ଅଣଶିକ୍ଷକ, ସପୋର୍ଟ ଷ୍ଟାଫ୍ ଡବଲ ଡୋଜ୍ ନେଇଥିବା ଜରୁରୀ ବୋଲି ରାଜ୍ୟ ସରକାର ନିର୍ଦ୍ଦେଶ ଦେଇଛନ୍ତି ।

ବର୍ତ୍ତମାନ ରାଜ୍ୟରେ ଅଷ୍ଟମ, ନବମ, ଦଶମ, ଦ୍ୱାଦଶ ସହ ବିଶ୍ୱବିଦ୍ୟାଳୟରେ ଅଫଲାଇନ ପାଠପଢ଼ା ଆରମ୍ଭ ହୋଇଛି । ପିଲାଙ୍କ ଭବିଷ୍ୟତକୁ ଦୃଷ୍ଟିରେ ରଖି ପୂର୍ବରୁ କେଜିଠାରୁ ଆରମ୍ଭ କରି ସପ୍ତମ ଶ୍ରେଣୀ କ୍ଲାସ ୧୪ ତାରିଖଠାରୁ ଆରମ୍ଭ ହେବା ନେଇ ଘୋଷଣା କରାଯାଇଥିଲା । ତେବେ ମଙ୍ଗଳବାର ପ୍ଲେ ସ୍କୁଲ ମଧ୍ୟ ୧୪ ତାରିଖଠାରୁ ଖୋଲିବା ନେଇ ଘୋଷଣା କରାଯାଇଛି ।