ପାର୍ଲିଆମେଣ୍ଟର ସ୍ୱତନ୍ତ୍ର ଅଧିବେଶନରେ ଏଥର ବହୁତ କିଛି ନୂଆ ଦେଖିବାକୁ ମିଳିବ। ଯୁଗ୍ମ ସଚିବ ଦୀପକ ଦାଶଙ୍କ କହିବା ଅନୁସାରେ ଏଥର ନୂଆ କୋଠାରେ ସଂସଦର ଅଧିବେଶନ ବସିବ। ଏହାସହ ସଂସଦର ସମସ୍ତ ଷ୍ଟାଫଙ୍କୁ ନୂତନ ୟୁନିଫର୍ମ ପିନ୍ଧିଥିବା ଦେଖିବାକୁ ମିଳିବ। ଉଭୟ ଗୃହର ଷ୍ଟାଫ୍ଙ୍କ ପାଇଁ ଖାକି ପ୍ୟାଣ୍ଟ ସାଙ୍ଗକୁ କ୍ରିମ୍ ରଙ୍ଗର ଜ୍ୟାକେଟ୍ ଓ ସର୍ଟ ୟୁନିଫର୍ମ ଆକାରରେ ଦେଖିବାକୁ ମିଳିବ। ଏହା ସହ ସେମାନେ ଗୋଲାପି ରଙ୍ଗର ପଦ୍ମ ଚିହ୍ନକୁ ୟୁନିଫର୍ମ ବ୍ୟାଚ୍ ଆକାରରେ ଧାରଣ କରିବେ। ସୂଚନା ଅନୁସାରେ ୨୭୧ ଷ୍ଟାଫ୍ଙ୍କୁ ଏହି ୟୁନିଫର୍ମ ହସ୍ତାନ୍ତର କରାଯାଇଛି। ଏହି ୟୁନିଫର୍ମକୁ ଡିଜାଇନ୍ କରିଛି ଏନ୍ଆଇଏଫ୍ଟି(NIFT)।
ସେପ୍ଟେମ୍ବର ୧୮ ତାରିଖରୁ ୨୨ ତାରିଖ ପର୍ଯ୍ୟନ୍ତ ସଂସଦର ଏକ ସ୍ୱତନ୍ତ୍ର ଅଧିବେଶନ ଡକାଯାଇଛି। ଏହା ପୂର୍ବରୁ ଅଧିବେଶନକୁ ଆରମ୍ଭ ହୋଇଯାଇଛି ଅନେକ ପ୍ରକାରର ରାଜନୈତିକ କଳ୍ପନାଜଳ୍ପନା । ବହୁତ କିଛି ନୂଆ ବିଲ୍ଡିଂରେ ସଂସଦର ଅଧିବେଶନ ବସିବାକୁ ଯାଉଛି। ଏହି ସହ ସଂସଦର ସମସ୍ତ କର୍ମଚାରୀଙ୍କୁ ଏଥର ନୂତନ ୟୁନିଫର୍ମରେ ଦେଖିବାକୁ ମିଳିବା ନେଇ ଚର୍ଚ୍ଚା ଜୋର ଧରିଛି। ଲୋକସଭା ଅଧିକାରୀଙ୍କ କହିବା ଅନୁଯାଇ ଆସନ୍ତା ସପ୍ତାହରେ ନୂତନ ସଂସଦ ଭବନକୁ ଯିବାବେଳେ ସଂସଦର ଉଭୟ ଗୃହ ଓ ବାହାରେ କର୍ମଚାରୀମାନେ ନୂଆ ୟୁନିଫର୍ମ ପିନ୍ଧିବେ। କେବଳ ଏତିକି ନୁହେଁ ସେ କହିଛନ୍ତି ଯେ ନୂଆ ୟୁନିଫର୍ମରେ “ଭାରତୀୟତା” ସ୍ପର୍ଶ ରହିଛି। ନୂଆ ୟୁନିଫର୍ମରେ ମଣିପୁରୀ କ୍ୟାପ୍ ଉଭୟ ଘରର ମାର୍ଶଲଙ୍କ ମୁଣ୍ଡରେ ଦେଖିବାକୁ ମିଳିଥିବାବେଳେ ଟେବୁଲ୍ ଅଫିସ୍, ନୋଟିସ୍ ଅଫିସ୍ ଏବଂ ସଂସଦୀୟ ରିପୋର୍ଟ ବିଭାଗରେ କାର୍ଯ୍ୟ କରୁଥିବା ଅଧିକାରୀଙ୍କ ପାଇଁ ଲୋଟସ୍ ମୋଟିଫ୍ ସହିତ ସାର୍ଟ ପ୍ରସ୍ତୁତ କରାଯାଇଛି। ଅଧିକାରୀ କହିଛନ୍ତି ଯେ ସମସ୍ତ ମହିଳା ଅଧିକାରୀଙ୍କୁ ନୂତନ ପରିକଳ୍ପିତ ଡିଜାଇନ୍ ଦିଆଯିବ।
