ଅଧ୍ୟାପକଙ୍କୁ ୟୁଜି/ପିଜି ଦାୟିତ୍ବ, ପରୀକ୍ଷା କିଭଳି ହେବ ତାହା ମନିଟରିଂ କରିବେ

ମେଣ୍ଟରିଂ ସିଷ୍ଟମ ଲାଗୁ ହେବା ନେଇ ବୈଠକରେ ନିଷ୍ପତ୍ତି ହୋଇଛି । ପ୍ରତ୍ୟେକ କଲେଜ ଓ ବିଶ୍ବବିଦ୍ୟାଳୟର ଅଧ୍ୟାପକମାନେ କିଛି କିଛି ପିଲାଙ୍କ ଦାୟିତ୍ବ ନେବେ ।ଅନଲାଇନ୍ ମାଧ୍ୟମରେ ଛାତ୍ରଛାତ୍ରୀମାନେ କିଭଳି ପରୀକ୍ଷା ଦେବେ ସେନେଇ ବୁଝିବେ । ଅନଲାଇନରେ ପରୀକ୍ଷା ଦେବା ପାଇଁ ଯଦି କୌଣସି ଛାତ୍ରଛାତ୍ରୀଙ୍କର ସମସ୍ୟା ଥାଏ, ସେମାନଙ୍କ ପାଇଁ ପାଖ କଲେଜରେ ବ୍ୟବସ୍ଥା କରିବାକୁ ନିର୍ଦ୍ଦେଶ ଦିଆଯାଇଛି ।

ଯୁକ୍ତ ତିନ ଶେଷ ସେମିଷ୍ଟାର ଏବଂ ସ୍ନାତକର ଶେଷ ସେମିଷ୍ଟାର ପରୀକ୍ଷା ପ୍ରସ୍ତୁତି କେତେ ଆଗେଇଛି ଏବଂ କ’ଣ ବ୍ୟବସ୍ଥା ଗ୍ରହଣ କରାଯାଇଛି ସେନେଇ ଆଜିର ବୈଠକରେ ଆଲୋଚନା ହୋଇଛି । ଜୁଲାଇ ଶେଷ କିମ୍ବା ଅଗଷ୍ଟ ପ୍ରଥମ ସପ୍ତାହ ଭିତରେ ସମସ୍ତ ପରୀକ୍ଷା ସାରିବାକୁ ଲକ୍ଷ୍ୟ ରଖାଯାଇଛି । ଅଗଷ୍ଟ ଶେଷ ସୁଦ୍ଧା ପରୀକ୍ଷା ଫଳ ପ୍ରକାଶ କରିବାକୁ ଲକ୍ଷ୍ୟ ରଖାଯାଇଛି।