ଲକ୍ଷ୍ନୌ: ଲକ୍ଷ୍ନୌର ଲୋକ ବନ୍ଧୁ ହସ୍ପିଟାଲର ଦ୍ୱିତୀୟ ମହଲାରେ ଏକ ବଡ଼ ଧରଣର ଅଗ୍ନିକାଣ୍ଡ ଘଟିଥିବା ସୂଚନା ମିଳିଛି। ଏହି ଅଗ୍ନିକାଣ୍ଡରେ କୌଣସି ମୃତାହତର ରିପୋର୍ଟ ମିଳିନାହିଁ। ଗୁରୁତର ଚିକିତ୍ସାରେ ଥିବା ରୋଗୀଙ୍କ ସମେତ ୨୦୦ ରୁ ଅଧିକ ରୋଗୀଙ୍କୁ ସୁରକ୍ଷିତ ଭାବରେ ହସ୍ପିଟାଲରୁ ସ୍ଥାନାନ୍ତରିତ କରାଯାଇଛି ବୋଲି ଅଧିକାରୀମାନେ କହିଛନ୍ତି।
ସୋମବାର ବିଳମ୍ବିତ ରାତିରେ ଲୋକ ବନ୍ଧୁ ହସ୍ପିଟାଲରେ ନିଆଁ ଲାଗି ଯାଇଥିଲା। ନିଆଁ ଲାଗିଯିବା ପରେ ରୋଗୀ ଏବଂ ହସ୍ପିଟାଲ କର୍ମଚାରୀଙ୍କ ମଧ୍ୟରେ ଆତଙ୍କ ସୃଷ୍ଟି କରିଥିଲା। ନିଆଁ ଲାଗିଥିବା ଖବର ପାଇ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲେ।
