କାହିଁକି ମା ସରସ୍ୱତୀଙ୍କୁ ବାକ୍ ଦେବୀ କୁହାଯାଏ : କଣ ରହିଛି ମାନ୍ୟତା

ବ୍ରହ୍ମଦେବ ଏପରି ଜଣେ ଦେବୀଙ୍କ ସଂରଚନା କଲେ ,ଯାହାଙ୍କର ଗୋଟିଏ ହାତରେ ବୀଣା ,ଅନ୍ୟ ହାତରେ ପୁସ୍ତକ ,ତୃତୀୟ ହାତରେ ମଳି ଓ ଚତୁର୍ଥ ହାତରେ ମୁଦ୍ରାରେ ଥିଲେ ମା l

ପୁରାଣରେ ବର୍ଣିତ ଅଛି ସୃଷ୍ଟି ସଂରଚନା ହେବା ବେଳକୁ ସବୁ ଜୀବନ୍ତ ଜୀବ ସ୍ୱର ହୀନ ଥିଲେ l ଯେତେବେଳେ ବ୍ରହ୍ମଦେବ ସରସ୍ୱତୀଙ୍କୁ କହିଲେ ବୀଣା ବଜାଇବା ପାଇଁ ସେତେବେଳେ ପ୍ରତେକ ଜୀବରେ ସ୍ୱର ଆସିଯାଇଥିଲା l ସେଥିପାଇଁ ସରସ୍ୱତୀଙ୍କୁ ବ୍ରହ୍ମଦେବ ବାକ୍ ଦେବୀ ବୋଲି ନାମ ଦେଇଥିଲେ l ଏହିଦିନ ମାତା ସରସ୍ଵତୀଙ୍କର ବିଧି ବିଧାନ ଭାବରେ ପୂଜା କରାଯାଇଥାଏ l ତାଙ୍କୁ ବିଦ୍ୟା ଦାତ୍ରୀ କୁହାଯାଉ ଥିବାରୁ ସମସ୍ତ ଶିକ୍ଷା ଅନୁଷ୍ଠାନରେ ମା ସରସ୍ଵତୀଙ୍କର ପୂଜା କରାଯାଇଥାଏ l ଶିକ୍ଷା ଅନୁଷ୍ଠାନ ସହିତ ସଙ୍ଗୀତ ଭିତିକ ଅନୁଷ୍ଠାନ ,ବାଦ୍ୟଯନ୍ତ୍ର ଅନୁଷ୍ଠାନରେ ମଧ୍ୟ ସରସ୍ୱତୀ ପୂଜା ଜାକଜମକ ଭବରେ ହୋଇଥାଏ l

ସେଦିନ ପ୍ରାୟ ଅଧିକାଂଶ ଲୋକ ନୂତନ ଗୃହ ଓ ଅଫିସ ଇତ୍ୟାଦି ପ୍ରତିଷ୍ଠା କରିବା ପାଇଁ ଇଛା ରଖିଥାନ୍ତି l ତେଣୁ ଅଧିକାଂଶ ଶୁଭ କାର୍ଯ୍ୟ ମଧ୍ୟ ଶ୍ରୀ ପଞ୍ଚମୀ ଦିନ କରାଯାଇଥାଏ l ଶ୍ରୀ ପଞ୍ଚମୀରେ ଯେଉଁ ମାନେ ନୂଆ କରି ଶିକ୍ଷା ଗ୍ରହଣ କରିବାକୁ ଇଛା ରଖିଥାନ୍ତି ସେମାନଙ୍କର ଖଡ଼ି ଛୁଆଁ କରାଯାଇଥାଏ l

* ବସନ୍ତ ପଞ୍ଚମୀ ଦିନ ହଳଦିଆ ରଙ୍ଗର ଅନେକ ମହତ୍ୱ ରହିଛି l କୁହାଯାଏ ଯେ ଏହି ଦିନ ସରସ୍ୱତୀଙ୍କୁ ହଳଦିଆ ରଙ୍ଗର ପୁଷ୍ପ ଅର୍ପଣ କରିବା ଶୁଭ ହୋଇଥାଏ l ଏହି ଦିନ ହଳଦିଆ ରଙ୍ଗର ବସ୍ତ୍ର ପିନ୍ଧିବା ମଧ୍ୟ ଶୁଭ ଅଟେ l

* ବସନ୍ତ ପଞ୍ଚମୀ ଦିନ ପୂଜା ସ୍ଥଳ ନିକଟରେ ସରସ୍ୱତୀ ମାଙ୍କୁ ନିଜର ଖାତା ବହି ,କଲମ ପେନ୍ସିଲ ଇତ୍ୟାଦି ଆଶୀର୍ବାଦ ପ୍ରାପ୍ତ କରିବା ପାଇଁ ରଖା ଯାଇଥାଏ l କୁହାଯାଏ ଯେ ଏହା ଦ୍ୱାରା ଜ୍ଞାନର ବୃଦ୍ଧି ଓ ବରଦାନ ପ୍ରାପ୍ତି ହୋଇଥାଏ l

* ସରସ୍ବତୀ ପୂଜା ବିଧିବିଧାନ ଭାବରେ କରାଯିବ ସହିତ ଏହି ଦିନ ହଳଦିଆ ରଙ୍ଗର ଭୋଗ ମାଙ୍କୁ ଅର୍ପଣ କରାଯାଏ l ଯେପରି କି ବେସନ ଲଡୁ ,ବୁନ୍ଦୀ ଲଡୁ ଓ ପାଚିଲା କଦଳୀ ଇତ୍ୟାଦି ଅର୍ପଣ ହୁଏ ଯାହାଦ୍ୱାରା ମାତା ସରସ୍ଵତୀଙ୍କର କୃପା ଲାଭ ହୋଇଥାଏ l