ଭୁବନେଶ୍ଵର, ୨୭/୧୨ : କାଇନେଟିକ୍ ଗ୍ରୁପ୍ ପୁଣିଥରେ ଏହାର ଲୋକପ୍ରିୟ ମଡେଲ୍ ମୋପେଡ୍ ଲୁନାକୁ ଭାରତୀୟ ବଜାରରେ ଲଞ୍ଚ୍ କରିବାକୁ ଯାଉଛି। ଏହି ଲୁନା ଏକ ବୈଦ୍ୟୁତିକ ଅବତାରରେ ଲଞ୍ଚ୍ ହେବ। ଖୁବ୍ ଶୀଘ୍ର କାଇନେଟିକ୍ ଗ୍ରୀନ୍ ଏନର୍ଜି ଏବଂ ପାୱାର୍ ସଲ୍ୟୁସନ୍ ଦ୍ୱାରା ଇ-ଲୁନା ଲଞ୍ଚ୍ ହେବ ବୋଲି କମ୍ପାନୀ କହିଛି। କାଇନେଟିକ୍ ଇଞ୍ଜିନିୟରିଂ ଦ୍ୱାରା ଏକ ନିୟାମକ ପତ୍ରରେ ଏହି ସୂଚନା ପ୍ରକାଶ ପାଇଛି।
କାଇନେଟିକ୍ ଇଞ୍ଜିନିୟରିଂ ଲିମିଟେଡ୍ (କେଏଲ୍) ଲୁନାର ବୈଦ୍ୟୁତିକ ଅବତାର ପାଇଁ ଖାସ୍ ଏବଂ ଅନ୍ୟାନ୍ୟ ଆସେମ୍ବଲି ଉତ୍ପାଦନ ଆରମ୍ଭ କରିଛି। ଇ-ଲୁନା ପାଇଁ କମ୍ପାନୀ ମେନ୍ ଷ୍ଟାଣ୍ଡ୍, ସାଇଡ୍ ଷ୍ଟାଣ୍ଡ, ସୁଇଙ୍ଗ୍ ଆର୍ମ ବିକଶିତ କରିଛି। ମାସକୁ ୫ ହଜାର ସେଟ୍ କ୍ଷମତା ବିଶିଷ୍ଟ ଏକ ଉତ୍ପାଦନ ଲାଇନ ସ୍ଥାପନ କରାଯାଇଛି। କମ୍ପାନୀ ପ୍ରତିଦିନ ୨ ହଜାର ଲୁନା ବିକ୍ରି କରୁଥିଲା।
ପରିଚାଳନା ନିର୍ଦ୍ଦେଶକ ଅଜିଙ୍କ୍ୟ ଫିରୋଡିଆ କହିଛନ୍ତି ଯେ, ଇ-ଲୁନା ପରିମାଣ ବୃଦ୍ଧି ହେତୁ ଆସନ୍ତା ୨-୩ ବର୍ଷ ମଧ୍ୟରେ ଏହି ବ୍ୟବସାୟ ବାର୍ଷିକ ୩୦ କୋଟିରୁ ଅଧିକ ହେବ। ଏହା ମଧ୍ୟ କେଭିଙ୍କୁ ଇଭି ସେଗମେଣ୍ଟରେ ଏହାର ଉପସ୍ଥିତି ବଢାଇବାରେ ସାହାଯ୍ୟ କରିବ। ” ଫିରୋଡିଆ ଆହୁରି ମଧ୍ୟ କହିଛନ୍ତି, “ଯେତେବେଳେ ଲୁନାର ବିକ୍ରି ସର୍ବାଧିକ ଥିଲା, କମ୍ପାନୀ ଦିନକୁ ୨ ହଜାର ୟୁନିଟ୍ ରୁ ଅଧିକ ଲୁନା ବିକ୍ରି କରୁଥିଲା। ଏହାର ନୂତନ ଅବତାରରେ ଏହା ବହୁତ ଭଲ କରିବ। “
