ନୂଆଦିଲ୍ଲୀ, ୨୮/୧୨ : ସାରା ଦେଶରେ ଶୀତର ପ୍ରକୋପ କ୍ରମାଗତ ଭାବେ ବୃଦ୍ଧି ପାଉଛି। ଉତ୍ତର ଭାରତର ଅନେକ ରାଜ୍ୟରେ ପ୍ରବଳ ଥଣ୍ଡା ଅନୁଭୂତ ହେଉଛି। ଏଭଳି ସ୍ଥିତିରେ ଶିଶୁ ଏବଂ ବୃଦ୍ଧମାନେ ଥଣ୍ଡା ଦ୍ୱାରା ଅଧିକ ପ୍ରଭାବିତ ହେବାର ସମ୍ଭାବନା ରହିଛି। ସତର୍କତା ଅବଲମ୍ବନ କରି ଅନେକ ରାଜ୍ୟର ବିଦ୍ୟାଳୟଗୁଡ଼ିକୁ ବନ୍ଦ ରଖିବାକୁ ଶିକ୍ଷା ବିଭାଗ ନିର୍ଦ୍ଦେଶ ଦେଇଛନ୍ତି। ଏଥିମଧ୍ୟରେ ହରିୟାଣା, ୟୁପି, ମଧ୍ୟପ୍ରଦେଶ, ଦିଲ୍ଲୀ, ପଞ୍ଜାବ ସମେତ ଅନେକ ରାଜ୍ୟ ଅନ୍ତର୍ଭୁକ୍ତ ରହିଛି।
ଦିଲ୍ଲୀର ସମସ୍ତ ବିଦ୍ୟାଳୟ ଜାନୁଆରୀ ୧ ରୁ ୧୫ ତାରିଖ ପର୍ଯ୍ୟନ୍ତ ବନ୍ଦ ରଖିବାକୁ ଦିଲ୍ଲୀ ଶିକ୍ଷା ନିର୍ଦ୍ଦେଶାଳୟ ଏକ ସର୍କୁଲାର ଜାରି କରିଛି। ଏହି ସମୟ ମଧ୍ୟରେ, ପ୍ରଥମ ଶ୍ରେଣୀରୁ ୮ମ ପର୍ଯ୍ୟନ୍ତ ସମସ୍ତ ବିଦ୍ୟାଳୟ ବନ୍ଦ ରହିବ। ଏଥି ସହିତ ୯ମ ରୁ ଦ୍ୱାଦଶର ଅଧ୍ୟୟନ ଯେପରି ପ୍ରଭାବିତ ହେବ ନାହିଁ ସେଥିପାଇଂ ସର୍କୁଲାର ଜାରି କରାଯାଇଛି।
ସେହିପରି ଜାନୁଆରୀ ୧ ରୁ ୧୫ ପର୍ଯ୍ୟନ୍ତ ହରିୟାନାରେ ସରକାରୀ ବିଦ୍ୟାଳୟ ବନ୍ଦ କରିବାକୁ ଶିକ୍ଷା ମନ୍ତ୍ରୀ କାନୱରପାଲ ଗୁରୁଜାର ଘୋଷଣା କରିଛନ୍ତି। ସେ କହିଛନ୍ତି ଯେ ପ୍ରବଳ ଥଣ୍ଡା ହେତୁ ସକାଳେ କୁହୁଡ଼ି ଦେଖାଦେଇଥାଏ। ଯେଉଁଥିପାଇଁ ଦୁର୍ଘଟଣାର ଭୟ ଥାଏ। ଏଭଳି ପରିସ୍ଥିତିରେ ରାଜ୍ୟ ବିଦ୍ୟାଳୟଗୁଡ଼ିକୁ ଜାନୁଆରୀ ୧୫ ପର୍ଯ୍ୟନ୍ତ ବନ୍ଦ ରଖିବାକୁ ନିଷ୍ପତ୍ତି ନିଆଯାଇଛି।
