କ୍ୟାଟ୍ରିନା କୈଫ ବଲିଉଡର ସବୁଠାରୁ ଫିଟ୍ ଏବଂ ସୁନ୍ଦର ଅଭିନେତ୍ରୀ ମାନଙ୍କ ମଧ୍ୟରୁ ଅନ୍ୟତମ । ସେ ତାଙ୍କ ଲୁକ୍ କୁ ନେଇ ସବୁବେଳେ ଚର୍ଚ୍ଚାରେ ଥାନ୍ତି । ନିଜର ଫିଟନେସ୍ ପାଇଁ ସେ ସବୁବେଳେ ସଚେତନ ରୁହନ୍ତି । ଫିଟନେସ୍ ଦୃଷ୍ଟିରୁ କ୍ୟାଟ୍ରିନା କୈଫଙ୍କ ସହ କେହି ପ୍ରତିଦ୍ୱନ୍ଦ୍ୱିତା କରିପାରିବେ ନାହିଁ । ଆଜି ତାଙ୍କ ଫିଟନେସ୍ ମାଧ୍ୟମରେ ସେ ଲକ୍ଷ ଲକ୍ଷ ଲୋକଙ୍କୁ ପ୍ରେରଣା ଦେଇଛନ୍ତି । ଗତ କିଛି ବର୍ଷ ମଧ୍ୟରେ, ଆମେ କ୍ୟାଟ୍ରିନା କୈଫଙ୍କ ଲୁକ୍ ଏବଂ ଫିଟନେସରେ ବହୁତ ପରିବର୍ତ୍ତନ ଦେଖିଛୁ | ଆମେ ସମସ୍ତେ ଜାଣୁ ଯେ କ୍ୟାଟ୍ରିନା କୈଫ୍ ତାଙ୍କ ଫିଟନେସ୍ ପାଇଁ ଅତ୍ୟଧିକ ଝାଳ ବାହାର କରନ୍ତି । କିନ୍ତୁ ଯଦି ଆମେ ଆପଣଙ୍କୁ କହିବୁ ଯେ କ୍ୟାଟ୍ରିନା କୈଫଙ୍କ ଫିଟନେସ୍ ରହସ୍ୟ ଆପଣଙ୍କ କିଚେନ୍ ରେ ଅଛି, ତେବେ ଆପଣ ବୋଧହୁଏ ଏହାକୁ ବିଶ୍ୱାସ କରିବେ ନାହିଁ ।
କ୍ୟାଟ୍ରିନା କୈଫଙ୍କ ଡାଏଟ୍:
ଦୁଗ୍ଧଜାତ ଦ୍ରବ୍ୟଠାରୁ ଦୂରରେ ରୁହନ୍ତି: ମିଡିଆ ରିପୋର୍ଟ ଅନୁଯାୟୀ ଦୁଗ୍ଧଜାତ ଦ୍ରବ୍ୟ ଚର୍ବି ବଢାଇଥାଏ । କ୍ୟାଟ୍ରିନା ତାଙ୍କ ଖାଦ୍ୟରେ ଦୁଗ୍ଧଜାତ ଦ୍ରବ୍ୟ ଅନ୍ତର୍ଭୁକ୍ତ କରିବା ପରିବର୍ତ୍ତେ ସୋୟା, ବାଦାମ କିମ୍ବା ସ୍କିମ୍ଡ କ୍ଷୀର ଖାଇବାକୁ ପସନ୍ଦ କରନ୍ତି ।
ଗ୍ଲୁଟେନ ଗ୍ରହଣ କରନ୍ତି ନାହିଁ: କ୍ୟାଟ୍ରିନା ପ୍ରାୟତଃ ଗ୍ଲୁଟେନ୍ ମୁକ୍ତ ଖାଦ୍ୟ ଗ୍ରହଣ କରନ୍ତି । ମିଡିଆ ରିପୋର୍ଟ ଅନୁଯାୟୀ, ଗ୍ଲୁଟେନ୍ ଆମ ଶରୀରରେ ଚର୍ବିର ପରିମାଣ ବଢାଇଥାଏ ଏବଂ ଏହା ସହଜରେ ହଜମ ହୋଇନଥାଏ | ସେଥିପାଇଁ କ୍ୟାଟ୍ରିନା ଏହି ପ୍ରକାର ଖାଦ୍ୟଠାରୁ ଦୂରରେ ରୁହନ୍ତି ।
ଚିନି ଠାରୁ ଦୂରରେ ରୁହନ୍ତୁି: ବିଶୋଧିତ ଚିନିରେ ଅନେକ କ୍ୟାଲୋରୀ ଥାଏ । ସେଥିପାଇଁ କ୍ୟାଟ୍ରିନା ମଧ୍ୟ ଚିନିରେ ତିଆରି ଜିନିଷଠାରୁ ଦୂରେଇ ରୁହନ୍ତି ।
