ଫଳର ରାଜା ଆମ୍ବ ସମସ୍ତଙ୍କ ପ୍ରିୟ ହୋଇଥାଏ । ଗ୍ରୀଷ୍ମ ଋତୁ ଆରମ୍ଭ ହେବା ମାତ୍ରେ ଆମ୍ବ ସିଜିନ୍ ମଧ୍ୟ ଆରମ୍ଭ ହୋଇଯାଏ । ଗ୍ରୀଷ୍ମ ଋତୁରେ ଏହି ଫଳ ପ୍ରତ୍ୟେକ ଘରେ ମିଳିଥାଏ । ଆମ୍ବରେ ଫାଇବର, ଭିଟାମିନ୍ ଏବଂ ମିନେରାଲ୍ସ ଭରପୂର ମାତ୍ରାରେ ମିଳିଥାଏ । ଏହା ବ୍ୟତୀତ ଏଥିରେ ଥିବା ପଲିଫେନୋଲ୍, ଟ୍ରାଇଟରପିନ, ଲୁପିଓଲ୍ ଶରୀର ଇନଫ୍ଲାମେସନକୁ କମ୍ କରିଥାଏ ଏବଂ ଆଣ୍ଟିଅକ୍ସିଡାଣ୍ଟ ଗୁଣ ଶରୀରକୁ ଡିଟକ୍ସ କରିଥାଏ । କିନ୍ତୁ ଆମ୍ବ ଖାଇବା ପରେ ଆପଣଙ୍କୁ କିଛି ଜିନିଷ ପ୍ରତି ଧ୍ୟାନରେ ରଖିବାକୁ ପଡିଥାଏ, କାରଣ ଆମ୍ବ ସହିତ କିଛି ଜିନିଷ ଖାଇବା ଦ୍ୱାରା ଆପଣଙ୍କ ସ୍ୱାସ୍ଥ୍ୟ ଉପରେ କ୍ଷତି ପହଞ୍ଚାଇଥାଏ- ତେବେ ଆସନ୍ତୁ ଜାଣିବା ସେହି ସବୁ ବିଷୟରେ …
ଆମ୍ବ ଖାଇବା ପରେ ପାଣି ପିଅନ୍ତୁ ନାହିଁ:
ଆମ୍ବ ଖାଇବା ପରେ ତୁରନ୍ତ ପାଣି ପିଇବା ଉଚିତ୍ ନୁହେଁ । ଏହା କରିବା ଦ୍ୱାରା ଆପଣଙ୍କ ହଜମ ପ୍ରକ୍ରିୟା ଖରାପ ହୋଇଥାଏ ଏବଂ ପେଟ ଯନ୍ତ୍ରଣା, ଗ୍ୟାସ୍ ସମସ୍ୟା, ଅମ୍ଳତା, ଫୁଲିବା ଇତ୍ୟାଦି ସମସ୍ୟା ଦେଖା ଦେଇଥାଏ ।
ଆମ୍ବ ଖାଇବା ପରେ ତିକ୍ତ ଭୋଜନ କରିବା ଉଚିତ୍ ନୁହେଁ:
ଆମ୍ବ ଖାଇବା ପରେ କଦାପି ତିକ୍ତ ଭୋଜନ କରନ୍ତୁ ନାହିଁ କାରଣ ଏହା ସ୍ୱାଦରେ ତିକ୍ତ ହୋଇଥାଏ ଏବଂ ଆମ୍ବ ମିଠା ହୋଇଥାଏ । ଯଦି ଆପଣ ଆମ୍ବ ଖାଇବା ପରେ ତୁରନ୍ତ ତିକ୍ତ ଖାଦ୍ୟ ଖାଆନ୍ତି, ତେବେ ଆପଣ ବାନ୍ତି, ଏବଂ ଶ୍ୱାସକ୍ରିୟାରେ ଅସୁବିଧା ଭଳି ସମସ୍ୟାର ସମ୍ମୁଖୀନ ହୋଇପାରନ୍ତି ।
ମସଲା ଯୁକ୍ତ ଖାଦ୍ୟ ଖାଇବା ଉଚିତ୍ ନୁହେଁ:
ଆମ୍ବ ଖାଇବା ପରେ ମସଲାଯୁକ୍ତ ଜିନିଷ ଖାଆନ୍ତୁ ନାହିଁ, ଏହାକୁ ଖାଇବା ଆପଣଙ୍କ ପେଟରେ ସମସ୍ୟା ସୃଷ୍ଟି କରିଥାଏ ଏବଂ ଏହା ଆପଣଙ୍କ ଚର୍ମ ଉପରେ ଖରାପ ପ୍ରଭାବ ପକାଇଥାଏ ।
କୋଲଡ୍ରିଙ୍କ୍ ପିଅନ୍ତୁ ନାହିଁ:
ଆମ୍ବ ଖାଇବା ପରେ ତୁରନ୍ତ କୋଲଡ୍ରିଙ୍କ୍ ପିଅନ୍ତୁ ନାହିଁ, ବିଶେଷତଃ ମଧୁମେହ ରୋଗୀଙ୍କ ପାଇଁ ଏହା ବିଷ ଭଳି କାମ କରେ ।
