Breaking PLUSଓଡ଼ିଶାସ୍ୱତନ୍ତ୍ର
କମିଶନରେଟ୍ ପୋଲିସର ନୂଆ ଯୋଜନା ‘ପ୍ରାରମ୍ଭ’
କମିଶନରେଟ୍ ପୋଲିସର ନୂତନ ଯୋଜନା ‘ପ୍ରାରମ୍ଭ’ ଆରମ୍ଭ ହୋଇଯାଇଛି । ଟ୍ୱିନ ସିଟିର ନାବାଳିକା ଝିଅମାନଙ୍କୁ ଗୋପନରେ ବିବାହ ଓ ପଳାୟନରୁ ନିବୃତ୍ତ କରିବା ଓ ପରବର୍ତ୍ତୀ ପର୍ଯ୍ୟାୟରେ ବିପଦରୁ ମୁକ୍ତି ପାଇଁ ଭୁବନେଶ୍ୱର-କଟକ ପୋଲିସ ଏହି ନୂତନ ପଦକ୍ଷେପ ଆରମ୍ଭ କରିଛି ।
ଏହାର ଉଦ୍ଦେଶ୍ୟ ହେଉଛି ଗଣମାଧ୍ୟମରେ ତଥା ସୋସିଆଲ ମିଡ଼ିଆରେ ସଚେତନତା ସୃଷ୍ଟି କରିବା, ବିଶେଷ କରି ବସ୍ତିରେ ସୋସିଆଲ ମିଡ଼ିଆର ଦାୟିତ୍ୱପୂର୍ଣ୍ଣ ବ୍ୟବହାର ବିଷୟରେ ବିଦ୍ୟାଳୟ, କଲେଜରେ କର୍ମଶାଳା ଆୟୋଜନ କରିବା, ଉଦ୍ଧାର ପରେ ପୀଡ଼ିତା ଏବଂ ତାଙ୍କ ପରିବାରକୁ ପରାମର୍ଶ ଦେବା ଭଳି କାର୍ଯ୍ୟ କରାଯିବ ।
କିସ୍ ଏବଂ ଏସ୍.ଏନ ମହାନ୍ତି ଫାଉଣ୍ଡେସନ୍ କମିଶନରେଟ୍ ପୋଲିସ ସହିତ ସହଯୋଗ ଯୋଗାଇ ଦେଇଛନ୍ତି । ରଗବି ଇଣ୍ଡିଆର ଅଭିନେତା-ନିର୍ଦ୍ଦେଶକ ତଥା ବୋର୍ଡ଼ ସଦସ୍ୟ ରାହୁଲ ବୋଷ ମଧ୍ୟ ଏହି ଅଭିଯାନକୁ ସମର୍ଥନ ଜଣାଇଛନ୍ତି । ‘ପ୍ରାରମ୍ଭ’ ଯୋଜନାରେ ଅଭିଯୋଗ କରିବା ପାଇଁ ହେଲ୍ପଲାଇନ ନମ୍ବର ହେଉଛି- ୨୫୪୫୪୪୫ ।