ଦେଶରେ ଗୋଟିଏ ଦିନ ଥମିବା ପରେ ଆଜି ପୁଣି ବଢିଛି ପେଟ୍ରୋଲ ଏବଂ ଡିଜେଲର ମୂଲ୍ୟ । ପେଟ୍ରୋଲ ଏବଂ ଡିଜେଲ ମୂଲ୍ୟ ଆଜି ୧୯ ପଇସା ବୃଦ୍ଧି ପାଇଛି । ଯାହା ପରେ ରାଜଧାନୀ ଦିଲ୍ଲୀରେ ଏକ ଲିଟର ପେଟ୍ରୋଲର ମୂଲ୍ୟ ବର୍ତ୍ତମାନ ୯୫.୫୬ କୁ ବୃଦ୍ଧି ପାଇଛି । ଯାହାକି ଏପର୍ଯ୍ୟନ୍ତ ସର୍ବାଧିକ ଅଟେ । ଏହି ସମୟରେ, ଡିଜେଲ ଲିଟର ମୂଲ୍ୟ ହେଉଛି ୮୬.୪୭ । ଚଳିତ ବର୍ଷ ମେ ୪ ପରେ ପେଟ୍ରୋଲ ଏବଂ ଡିଜେଲ ୨୨ ଥର ମହଙ୍ଗା ହୋଇଛି ।ପେଟ୍ରୋଲ ବର୍ତ୍ତମାନ ଦେଶର ବିଭିନ୍ନ ସ୍ଥାନରେ ଏକ ଐତିହାସିକ ସ୍ତରରେ ପହଞ୍ଚିଛି । ରାଜସ୍ଥାନ, ମଧ୍ୟପ୍ରଦେଶ, ମହାରାଷ୍ଟ୍ର, ଆନ୍ଧ୍ରପ୍ରଦେଶ, ତେଲେଙ୍ଗାନା ଏବଂ ଲଦାଖ ସମେତ ୬ ଟି ରାଜ୍ୟ ତଥା କେନ୍ଦ୍ରଶାସିତ ଅଞ୍ଚଳରେ ପେଟ୍ରୋଲ ଲିଟର ପିଛା ୧୦୦ ଟଙ୍କା ଅତିକ୍ରମ କରିଛି । ଏଥି ସହିତ ମୁମ୍ବାଇରେ ଏକ ଲିଟର ପେଟ୍ରୋଲ ବର୍ତ୍ତମାନ ୧୦୧ଟଙ୍କା ପାଇଛି ।
ଦେଶର ପେଟ୍ରୋଲ ଏବଂ ଡିଜେଲ ଉପରେ ରାଜସ୍ଥାନ ସର୍ବାଧିକ ଭ୍ୟାଟ୍ ଆଦାୟ କରୁଛି । ଏହା ପରେ ମଧ୍ୟପ୍ରଦେଶ, ମହାରାଷ୍ଟ୍ର, ଆନ୍ଧ୍ରପ୍ରଦେଶ ଏବଂ ତେଲେଙ୍ଗାନାର ତାଲିକାରେ ରହିଛି ।ମୁମ୍ବାଇ ହେଉଛି ଦେଶର ପ୍ରଥମ ମହାନଗର, ଯେଉଁଠାରେ ପେଟ୍ରୋଲ ଲିଟର ପିଛା ୧୦୦ ଟଙ୍କା ଉପରେ ପହଞ୍ଚିଛି । ବର୍ତ୍ତମାନ ମୁମ୍ବାଇରେ ପେଟ୍ରୋଲ ୧୦୧.୭୧ ଟଙ୍କା ଏବଂ ଡିଜେଲ ଲିଟର ପିଛା ୯୩.୭୭ ଟଙ୍କା ରହିଛି । ଏହି ସମୟ ମଧ୍ୟରେ ପେଟ୍ରୋଲର ମୂଲ୍ୟ ୫.୧୫ ଟଙ୍କା ଏବଂ ଡିଜେଲ ଲିଟର ପିଛା ୫.୭୪ ଟଙ୍କା ବୃଦ୍ଧି ପାଇଛି । ଅନ୍ତର୍ଜାତୀୟ ବଜାରରେ ଗତ ୧୫ ଦିନର ହାରାହାରି ମୂଲ୍ୟ ଆଧାରରେ ତୈଳ କମ୍ପାନୀଗୁଡିକ ଘରୋଇ ବଜାରରେ ଦୈନିକ ମୂଲ୍ୟ ସ୍ଥିର କରନ୍ତି ।
